“Yumi No Givap”

4:16-18

Piksaim long tingting tupela famili i stap long narapela narapela haus insait long wanpela flet. Dispela flet i olpela na planti hap bilong en i bagarap. Namba 1 famili i stap bel hevi. Tasol namba 2 famili i stap amamas. Bilong wanem i olsem? Klostu nau namba 2 famili bai muv i go long naispela haus.

Tru “olgeta samting God i wokim, ol i wok long krai na pilim pen wantaim i kam inap long nau,” tasol ol wokman bilong God i bilip na wet long gutpela samting bai kamap bihain na dispela i strongim bel bilong ol. (Ro 8:22) Yumi save olsem ol hevi yumi karim long nau, na tu ol hevi we yumi karim inap planti yia, ol i “bilong sotpela taim na ol i no bikpela tumas” taim yumi skelim wantaim laip oltaim long nupela taim God bai kamapim. Taim yumi tingting long ol blesing bilong Kingdom bai kamap bihain, dispela bai helpim yumi long stap amamas na yumi no givap.