Sampela Rot Bilong Mekim Pesenel Stadi na Famili Lotu

Yumi save lotuim Jehova olsem wanpela bikpela lain long ol miting, ol kibung sekit na ol rijinel kibung, na tu, yumi wan wan yet i save mekim olsem na wantaim famili bilong yumi tu. Em hia sampela rot yu ken skelim bilong mekim pesenel stadi na famili lotu bilong yu:

• Redim ol miting bilong kongrigesen. Yupela i ken mekim prektis long ol singsing na helpim olgeta insait long famili long redim wanpela bekim.

• Ritim wanpela stori bilong Baibel. Na bihain, droim piksa bilong wanpela samting i kamap long dispela stori o raitim sampela tok yu lainim.

• Skelim wanpela beten i stap long Baibel, na stori long olsem wanem yu ken mekim ol beten bilong yu i kamap gutpela moa.

• Watsim wanpela vidio long jw.org, na bihain stori wantaim ol narapela long dispela vidio o raitim wanpela paragraf i stori long dispela.

• Redi long autim tok, ating yu ken mekim prektis long wanem tok yu bai mekim taim yu autim tok.

• Lukim ol samting God i wokim na tingim tingim long bel o stori long ol narapela long wanem samting yu lainim long Jehova.a