Wai na Ol Witnes Bilong Jehova i Save Autim Tok Long Ol Man i Gat Lotu Pinis?

Mipela i lukim olsem planti man husat i gat lotu pinis, ol i save amamas long stori long ol topik bilong Baibel. Mipela i rispektim raits bilong ol man long holim bilip bilong ol we i narapela kain long bilip bilong mipela, na mipela i no fosim ol man long harim tok mipela i autim.

Taim mipela i toktok wantaim ol man long topik bilong lotu, mipela i traim long bihainim edvais bilong Baibel na bihainim “pasin isi” na “pasin rispek.” (1 Pita 3:15) Mipela i save olsem sampela bai sakim tok mipela i autim. (Matyu 10:14) Tasol mipela i no save long tingting bilong ol man, olsem na mipela i mas toktok wantaim ol. Na tu, mipela i luksave olsem sindaun bilong ol man i save senis.

Eksampel, ating wanpela man bai no gat taim long toktok wantaim mipela, tasol long narapela de em bai amamas long toktok wantaim mipela. Na sampela taim ol nupela hevi o nupela samting inap kamap, na dispela i save kirapim ol man long putim yau long tok bilong Baibel. Olsem na mipela i traim long toktok wantaim ol man long narapela narapela taim.