MEKIM WOK AUTIM TOK | MEKIM AMAMAS BILONG YU LONG AUTIM TOK I GO BIKPELA
Yusim Ol Tul Bilong Mekim Wok Painimaut
Jehova i givim yumi ol tul bilong helpim yumi long mekim gut wok tisa, olsem ol vidio, liklik nius, magasin, buklet, ol buk, na nambawan tul bilong yumi, em Baibel. (2Ti 3:16) Na tu, God i givim yumi ol tul bilong mekim wok painimaut na bai yumi inap stori gut long ol tok bilong Baibel. Em ol kain tul olsem Watchtower Library, JW Library® app, Wastaua INTENET LAIBRERI, na Stadi Indeks Bilong Ol Witnes Bilong Jehova.
Yu bai amamas tru taim yu yusim ol tul long mekim wok painimaut long ol bikpela tok bilong Baibel. I gutpela yu skulim Baibel sumatin long pasin bilong yusim ol dispela tul. Na ol tu bai amamas long mekim wok painimaut na kisim bekim bilong ol askim ol i gat long Baibel.
PILAIM VIDIO KISIM AMAMAS WOK BILONG KAMAPIM DISAIPEL—KISIM HELPIM LONG JEHOVA—YUSIM OL TUL BILONG MEKIM WOK PAINIMAUT, NA BIHAIN BEKIM OL DISPELA ASKIM:
Jade i tok wanem bilong soim olsem God i no wokim olgeta samting?
Neeta i painim bekim bilong dispela askim bilong Jade long wanem hap?
Taim yumi painim ol gutpela skultok long Baibel na serim wantaim ol narapela, dispela i mekim yumi amamas
Olsem wanem Neeta i makim infomesen we i stret long askim bilong Jade?
Olsem wanem ol tul bilong mekim wok painimaut i helpim Neeta?