Buk Song

Tok i go long dairekta bilong Gitit.* Devit i raitim dispela song.

8 Jehova, yu Bikpela bilong mipela, nem bilong yu i nambawan tru long olgeta hap bilong graun.

Biknem bilong yu i antap tru winim heven!*+

2 Ol man i bin birua long yu,

Olsem na yu bin kirapim ol pikinini na ol bebi+ long tokaut long strong bilong yu,

Bilong pasim maus bilong ol birua na man i laik bekim rong.

3 Taim mi lukim skai, mi lukim ol samting yu bin wokim long han* bilong yu,

Yu bin wokim mun na ol sta na putim i stap long ples bilong ol,+ na mi save ting olsem:

4 Man em i wanem samting na yu save tingim em?

Na pikinini bilong man em i wanem samting na yu save lukautim em?+

5 Yu bin mekim na strong bilong em i no bikpela olsem bilong ol ensel,*

Na yu givim em glori na ona.

6 Yu putim em i stap bos bilong ol samting yu bin wokim long han bilong yu;+

Na yu bin putim olgeta samting i stap aninit long lek bilong em:

7 Yes, olgeta sipsip na bulmakau,

Na olgeta wel animal,*+

8 Na olgeta pisin i save flai long skai na olgeta pis i stap long solwara,

Na olgeta samting i save raun insait long solwara.

9 Jehova, yu Bikpela bilong mipela, nem bilong yu i nambawan tru long olgeta hap bilong graun!