Buk Song
Tok i go long dairekta bilong Mutlaben.* Devit i raitim dispela song.
א [Aleph]
9 Jehova, long bel olgeta mi bai litimapim nem bilong yu,
Na mi bai tokaut long olgeta gutpela wok yu bin mekim.+
2 Mi bai amamas na belgut long yu;
God Antap Tru, mi bai singim ol song bilong preisim* nem bilong yu.+
ב [Beth]
3 Taim ol birua bilong mi i lusim mi na ranawe,+
Ol bai pundaun na pinis olgeta long ai bilong yu.
4 Yu sindaun long sia king bilong yu na mekim stretpela kot;
Yu skelim pasin bilong mi na tokaut olsem mi winim kot.+
ג [Gimel]
5 Yu krosim ol kantri+ na bagarapim ol man nogut,
Na inap oltaim oltaim nem bilong ol bai i no stap moa.
6 Ol birua bilong mi i bagarap inap oltaim,
Yu kamautim ol taun bilong ol,
Na i no gat man bai tingim ol gen.+
ה [He]
8 Long stretpela pasin em bai skelim ol manmeri bilong graun;+
Em bai skelim pasin bilong ol kantri na mekim stretpela kot.+
ו [Waw]
9 Jehova bai i stap olsem strongpela ples hait bilong ol man em ol arapela i mekim nogut long ol,+
Na long taim bilong hevi, em bai i stap olsem strongpela ples hait bilong ol.+
10 Ol man i save long nem bilong yu bai i trastim yu;+
Jehova, yu no inap givim baksait long ol manmeri i wok long painim yu.+
ז [Zayin]
11 Singim ol song bilong preisim Jehova, em i stap long Saion;
Tokaut long ol manmeri long ol wok em i bin mekim.+
12 Em bai tingim ol man i kisim hevi na em bai bekim rong bilong ol man i bin kapsaitim blut bilong ol;+
Em bai i no lusim tingting long singaut bilong ol man i krai bilong kisim helpim.+
ח [Heth]
13 Jehova, yu mas tingim mi; na lukim pen na hevi em ol man i nolaik tru long mi i givim mi,
Yu man i apim mi i kam antap lusim ol geit bilong dai,+
14 Na bai mi tokaut long ol gutpela wok bilong yu long ol geit bilong pikinini meri bilong Saion,+
Na mi bai belgut long yu bin kisim bek mi.+
ט [Teth]
15 Ol kantri i pundaun i go daun long hul em ol yet i bin wokim;
Na lek bilong ol yet i pas long trap em ol i bin putim.+
16 Jehova i soim pasin bilong em taim em i mekim kot bilong em.+
Ol samting ol man nogut i mekim i bagarapim ol yet.+
Higaion.* (Selah)
י [Yod]
17 Ol man nogut bai i go long Matmat,*
Em ples olgeta lain pipol i no tingim God bai i go long en.
18 Tasol God i no save lusim tingting long ol rabisman;+
Na ol samting man i gat pasin daun i bilip na wet long en, em i no inap lus nating.+
כ [Kaph]
19 O Jehova, kirap! No ken larim ol man nating i win!
Ol lain manmeri i mas sanap long ai bilong yu, na yu mas kotim ol.+
20 Jehova, yu mas mekim ol i pret,+
Na mekim ol lain manmeri i ken save olsem ol i man nating tasol. (Selah)