Buk Song
Tok i go long dairekta. Singsing bilong ol pikinini man bilong Kora.+
85 O Jehova, yu mekim gut long graun bilong yu;+
Yu bringim i kam bek ol lain bilong Jekop em ol i bin go kalabus.+
3 Yu kros nogut tru, tasol yu no kamapim kros bilong yu;
Yu belhat nogut tru, tasol yu no kamapim belhat bilong yu.+
4 O God, yu man bilong kisim bek mipela, yu mas bringim mipela i kam bek,
Na yu no ken kros moa long mipela.+
5 Olsem wanem? Bai yu kros oltaim long mipela, a?+
Na ating bai yu pulim kros bilong yu i go inap bihain bihain, a?
6 Olsem wanem? Bai yu givim strong long mipela gen
Na bai ol manmeri bilong yu i amamas long yu?+
8 Mi bai putim yau long tok bilong Jehova, em God tru i mekim,
Em bai kamapim tok bilong bel isi long ol manmeri bilong em,+ em ol manmeri i save stap gut long em,
Tasol ol i no ken bilip gen long strong bilong ol yet.+
9 Tru tumas, em i redi long kisim bek ol man i pret long em,+
Na bai glori bilong em i stap long graun bilong mipela.
10 Gutpela pasin laikim* na pasin i tru bai bung wantaim;
Stretpela pasin na bel isi bai go wantaim.+
11 Pasin i tru bai kamap long graun,
Na stretpela pasin bai lukluk i kam daun long heven.+
13 Stretpela pasin bai wokabaut i go pas long em+
Na wokim rot bilong em long wokabaut long en.