Buk Song
3 Amamas long tokaut long nem holi bilong em.+
Ol man i wok long painim Jehova, ol i ken belgut tru.+
4 Painim Jehova na strong bilong em.+
Oltaim wok long painim pes bilong em.
5 Tingim ol gutpela wok em i bin mekim,
Ol mirakel bilong em na ol disisen bilong kot em i bin autim,+
6 Yupela ol pikinini* bilong Abraham, wokman bilong God,+
Yupela ol pikinini bilong Jekop, yupela i lain em i bin makim.+
7 Jehova em i God bilong yumi.+
Ol lo bilong em i stap long olgeta hap bilong graun.+
8 Em i tingim kontrak bilong em inap oltaim,+
Em promis em i bin mekim* we bai i stap i go inap long 1,000 lain tumbuna pikinini i kamap bihain,+
9 Dispela kontrak em i bin mekim wantaim Abraham,+
Na tok tru antap em i bin mekim long Aisak,+
10 Na em i mekim i kamap olsem wanpela lo long Jekop
Na olsem wanpela kontrak long Israel inap oltaim,
11 Em i tok, “Bai mi givim yu graun bilong Kenan+
Olsem hap graun bilong yu.”+
12 Long dispela taim ol i no planti,+
Yes, ol i liklik lain tasol na ol i stap olsem man bilong narapela ples long dispela graun.+
13 Ol i wokabaut long wanpela kantri i go long narapela kantri,
Long wanpela kingdom i go long narapela kingdom.+
14 Em i no larim wanpela man i daunim ol,+
Em i tingim ol na em i krosim ol king i laik mekim nogut long ol,+
15 Na em i tok, “Yupela i no ken mekim wanpela samting long ol dispela lain mi makim,
Na no ken mekim nogut long ol profet bilong mi.”+
17 Em i salim wanpela man i go paslain long lain bilong em
Na ol i bin salim em olsem wanpela wokboi nating, dispela man em Josep.+
18 Ol i pasim ol sen long lek bilong em,+
Ol i pasim ol ain long nek bilong em;
19 Em i stap olsem inap long tok bilong God i kamap tru,+
Ol tok bilong Jehova i mekim em i kamap klin.
20 Orait king i salim tok long ol i mas larim em i lusim kalabus,+
Yes, dispela king bilong ol manmeri i larim em i lusim kalabus.
21 Em i putim em i stap bosman bilong olgeta samting long haus bilong em,
Na bos bilong olgeta samting bilong em,+
22 Na em i gat namba bilong bosim ol ofisa bilong king
Na bilong skulim ol man i gat bikpela krismas long savetingting.+
23 Bihain Israel i go i stap long Isip,+
Na Jekop i stap long graun bilong Ham olsem man bilong narapela ples.
24 Na God i mekim ol manmeri bilong em i kamap planti tru;+
Em i mekim ol i kamap strong moa winim ol birua bilong ol,+
25 Na em i larim tingting bilong ol i senis na ol i nolaik tru long ol manmeri bilong em,
Na ol i pasim tok long mekim nogut long ol wokman bilong em.+
27 Na tupela i mekim ol bikpela wok bilong em namel long ol,
Na tupela i wokim ol mirakel bilong em long graun bilong Ham.+
28 Em i salim tudak i kam na graun i kamap tudak;+
Na tupela i no sakim tok bilong em.
29 Em i tanim ol wara bilong ol i kamap blut
Na em i kilim i dai ol pis bilong ol.+
30 Ol frog i planti tru na i pulapim graun bilong ol,+
Na long haus bilong king tu.
31 Em i tok na ol lang* i go,
Na em i tok na ol moskito* tu i go na pulapim tru olgeta hap graun bilong ol.+
33 Em i bagarapim ol rop wain bilong ol na ol diwai fik bilong ol
Na em i brukim olgeta diwai i stap long graun bilong ol.
34 Em i tok long ol grasopa i mas i go,
Namba bilong ol grasopa i planti tru na man i no inap kaunim.+
35 Ol i pinisim olgeta gras na plaua samting long graun,
Na ol i kaikai olgeta samting i kamap long graun.
36 Bihain em i kilim i dai olgeta namba 1 pikinini long graun bilong ol,+
Em ol fes pikinini ol i bin kamapim.
37 Em i bringim ol manmeri bilong em i go, na ol i karim ol silva na gol wantaim na i go;+
Na i no gat wanpela long lain bilong ol i pundaun.
39 Em i putim wanpela klaut i stap bilong banisim ol+
Na long nait em i putim paia bilong givim lait long ol.+
40 Ol i askim long mit na em i givim ol pisin kweil;*+
Em i givim bret bilong heven long ol na ol i kaikai na ol i pulap tru.+
41 Em i mekim na wara i kamap long bikpela ston;+
Na i ron i go long ples nating olsem bikpela wara.+
42 Em i tingim promis holi em i bin mekim long wokman bilong em Abraham.+
43 Olsem na em i bringim ol manmeri bilong em i go na ol i amamas,+
Yes, em ol manmeri em i bin makim, ol i singaut amamas na i go.
44 Na em i givim graun bilong ol arapela lain manmeri long ol;+
Ol i kisim ol samting em ol arapela lain i wok hat long kamapim,+
45 Em i mekim olsem bai ol i ken bihainim olgeta tok bilong em+
Na ol i ken bihainim tu ol lo bilong em.
Preisim Ja!*