Buk Song
Singsing Bilong Ol Man i Go Antap Long Taun.
132 O Jehova, yu mas tingim Devit
Na olgeta pen na hevi em i karim;+
2 Jehova, yu mas tingim tok tru antap em i bin mekim long yu,
Yu Strongpela God bilong Jekop. Na Devit i bin mekim tok tru antap long yu olsem:+
3 “Mi no ken go insait long haus bilong mi.+
Na mi no ken slip long bet bilong mi;
4 Mi no ken larim ai bilong mi i pas,
Na mi no ken slip
5 I go inap long mi painim wanpela ples bilong putim haus bilong Jehova,
Em wanpela gutpela haus* bilong Strongpela God bilong Jekop.”+
6 Long Efrata,+ mipela i harim stori bilong samting i bin kamap;
Na mipela i painimaut olsem em i stap long bikbus.+
7 Yumi go insait long haus bilong em;*+
Yumi brukim skru long ples em i save putim lek bilong em long en.+
8 O Jehova, yu mas kirap na kam long ples bilong yu long malolo,+
Yu na Bokis Kontrak, em mak bilong strong bilong yu.+
9 Ol pris bilong yu i mas werim stretpela pasin olsem ol i werim klos,
Na ol man i stap gut long yu i ken amamas na singaut.
11 Jehova i bin mekim tok tru antap long Devit;
Em bai truim tok em i bin mekim olsem:
“Mi bai mekim wanpela pikinini bilong yu,
I kisim ples bilong yu na sindaun long sia king bilong yu.+
12 Sapos ol tumbuna pikinini bilong yu i bihainim kontrak bilong mi
Na ol i bihainim ol tok bilong mi bilong kirapim gen tingting em mi bin skulim ol long en,+
Orait ol tumbuna pikinini bilong ol tu
Bai i sindaun long sia king bilong yu inap oltaim oltaim.”+
14 “Oltaim dispela hap bai i stap ples bilong mi long malolo;
Mi laikim tumas long i stap long dispela hap.+
15 Mi bai givim planti samting long dispela taun;
Mi bai givim kaikai long ol rabisman i stap long en na ol bai i pulap tru.+
16 Na ol pris bilong en, mi bai kisim bek ol i olsem klos mi pasim long ol,+
Na ol man i stap gut long en bai i amamas na singaut.+
17 Long dispela hap, mi bai mekim strong bilong Devit i kamap bikpela.
Mi redim pinis wanpela lam bilong man em mi bin makim.+