Buk Song
Maskil.* Singsing bilong Devit taim em i stap long keiv. Em wanpela beten.+
142 Mi singaut long Jehova i helpim mi;+
Mi wok strong long askim Jehova long tingim mi.
2 Mi tokim em long ol samting mi tingting planti long en;
Mi kamapim olgeta wari bilong mi long em+
3 Taim mi pilim nogut tru.
Yu save lukautim mi.+
Long rot mi wokabaut long en,
Ol i haitim trap bilong holimpas mi.
I no gat wanpela hap mi ken ranawe i go long en;+
I no gat wanpela i tingim mi.
5 Mi singaut long yu, Jehova, long helpim mi.
Mi tok: “Yu ples hait bilong mi,+
Yu wanpela tasol mi bilip long en long dispela graun.”
6 Mi laik yu harim krai bilong mi na helpim mi,
Long wanem, bel hevi i daunim mi tru.
Ol man i mekim nogut long mi ol i strong moa winim mi,
Olsem na yu mas kisim bek mi.+
7 Yu mas bringim mi i kam ausait long kalabus
Na bai mi preisim nem bilong yu.
Na long dispela rot ol stretpela man bai amamas wantaim mi,
Taim ol i lukim yu mekim gutpela pasin long mi.