Man bilong raitim song i toktok long God olsem: “Yu save mekim ol manmeri i dai na ol i kamap graun gen. Na yu tok olsem, ‘Yupela manmeri bilong graun, yupela i mas i dai na tanim graun gen.’

Song 90:​3,

10. Olsem wanem God i save mekim man “i kamap graun gen”?

¹⁰ Ol man i save dai, na God i save mekim ol “i kamap graun gen.” I olsem Jehova i tokim ol: ‘Yupela mas i go bek gen long dispela graun mi bin wokim yupela long en.’ (Stat 2:7; 3:19) Dispela tok i sutim olgeta man​—⁠ol man i gat strong na ol man i no gat strong, ol maniman na ol rabisman​—⁠long wanem, i no gat wanpela man bilong graun ‘i ken baim bek em yet long mani. Na em i no inap givim mani long God inap long baim laip bilong en. Em i no inap baim God bai God i larim em i stap laip oltaim na em i no ken i dai.’ (Song 49:​6-9) Tasol yumi tenkyu tru long ‘God i bin givim dispela wanpela Pikinini tasol bilong em long ol man. Em i mekim olsem bilong olgeta manmeri i bilip long em bai ol i kisim laip i stap gut oltaim oltaim’!​—⁠Jon 3:16; Rom 6:⁠23.