LESEN 06
Ol Samting i Gat Laip i Kamap Olsem Wanem?
“[God i] as bilong laip.” (Buk Song 36:9) Yu bilipim dispela tok? Sampela man i ting ol samting i senis senis na kamapim laip, i no gat man i wokim. Sapos dispela em tru, i olsem yumi kamap nating. Tasol sapos Jehova God i wokim ol samting i gat laip, orait i gat as na em i wokim, a?a Skelim tok Baibel i mekim long hau laip i bin kirap, na tu, wai na i stret long bilipim dispela tok.
1. Yunives i kamap olsem wanem?
Baibel i tok: “Taim God i stat long wokim ol samting, em i wokim ples antap na graun.” (Stat 1:1) Planti saientis i wanbel olsem dispela yunives i gat kirap bilong en. God i wokim yunives olsem wanem? God i yusim “strong bilong [em] bilong mekim wok”—holi spirit bilong em—long wokim olgeta samting long yunives, dispela i makim tu ol galaksi, ol sta, na ol planet.—Stat 1:2.
2. Wai na God i wokim graun?
Jehova “i no wokim graun bilong i stap nating, nogat, em i wokim bilong ol samting i ken stap long en.” (Aisaia 45:18) Em i wokim gut dispela planet na bai i stap olsem ples ol man i ken stap oltaim long en. (Ritim Aisaia 40:28; 42:5.) Saiens i soim olsem graun i narapela kain long ol narapela planet. Dispela planet tasol i gat ol samting we inap helpim man long i stap laip.
3. Wanem samting i mekim na ol man i narapela kain long ol animal?
Bihain long Jehova i wokim graun, em i wokim ol samting i gat laip. Fes, em i wokim ol diwai na gras samting na ol animal. Bihain, “God i wokim man i kamap olsem em yet.” (Ritim Stat 1:27.) Wanem samting i mekim na ol man i narapela kain? God i wokim yumi i kamap olsem em yet, na yumi inap kamapim ol pasin bilong em, olsem pasin laikim na stretpela pasin. Na tu, em i wokim gut yumi na yumi inap lainim ol tokples, amamas long ol gutpela samting, na amamas long musik. Na yumi inap lotuim Krieta bilong yumi, em samting ol animal i no inap mekim.
KISIM SAMPELA SAVE MOA
Skelim ol evidens i soim olsem i stret long bilip olsem i gat man i bin disainim ol samting i gat laip na i stret long bilipim stori bilong Baibel long hau ol samting i kamap. Kisim save long olsem wanem ol pasin yumi man i gat i skulim yumi long God.
4. I gat man i bin disainim ol samting i gat laip
Ol man i save kisim biknem long ol samting ol i kopim long ol disain bilong ol samting long graun. So husat i mas kisim biknem long ol dispela samting bilong graun? Pilaim VIDIO, na stori long dispela askim.
Ol man i kopim wanem ol disain long ol samting bilong graun?
I gat man i wokim olgeta haus. Tasol husat i disainim na wokim olgeta samting? Ritim Hibru 3:4, na stori long ol dispela askim:
Yu laikim wanem ol disain long ol samting bilong graun?
Yu ting i stret long bilip olsem i gat man i wokim dispela yunives na olgeta samting i stap long en? Bilong wanem?
Yu save long dispela?
Yu inap painim ol atikol na vidio i stori long dispela topik long jw.org long hap “Yu Ting Wanpela i Bin Wokim?” na “Viewpoints on the Origin of Life.”
“Olgeta wan wan haus i gat man i bin wokim, tasol man i bin wokim olgeta samting em God”
5. I gat as na yumi bilipim ol stori bilong Baibel long hau ol samting i bin kamap
Long Stat sapta 1, Baibel i stori long hau graun na ol samting i gat laip i kamap. Yu inap bilipim dispela stori, o yu ting em stori nating? Pilaim VIDIO, na stori long ol dispela askim.
Yu ting Baibel i tok graun na ol samting i gat laip i kamap insait long 6-pela de?
Yu ting tok bilong Baibel long hau ol samting i kamap i stret na i tru? Wai na yu ting olsem? O wai na yu ting nogat?
Ritim Stat 1:1, na stori long dispela askim:
Ol saientis i tok yunives i gat kirap bilong en. Olsem wanem wok painimaut bilong ol i wankain long tok em nau tasol yu ritim long Baibel?
Sampela man i ting God i wokim ol samting i gat laip long rot bilong evolusen. Ritim Stat 1:21, 25, 27, na stori long ol dispela askim:
Yu ting Baibel i tok God i wokim wanpela liklik samting i gat laip na bihain em i senis senis na kamap pis, ol animal, na bihain ol man? O em i wokim “ol kain kain” samting i gat laip?
6. God i wokim ol man i narapela kain
Jehova i wokim yumi ol man i narapela kain long ol animal. Ritim Stat 1:26, na stori long dispela askim:
God i wokim yumi i kamap olsem em yet, olsem na yumi inap kamapim pasin laikim na pasin sori na dispela i givim wanem skul long yumi long pasin bilong God?
SAMPELA MAN I TOK: “Ol stori bilong Baibel long hau ol samting i kamap em ol stori nating.”
Yu ting wanem? Bilong wanem?
OL BIKPELA POIN
Jehova i wokim yunives na olgeta samting i gat laip.
Riviu
Baibel i tok yunives i kamap olsem wanem?
Yu ting God i larim wanpela liklik samting i gat laip i senis senis na kamapim ol narapela samting i gat laip, o em i wokim olgeta samting?
Wanem samting i mekim na ol man i narapela kain?
MEKIM WOK PAINIMAUT
Painimaut ol disain i stap long ol samting long graun.
“Ol Samting Long Graun i Skulim Yumi Long Wanem Samting?” (Atikol long jw.org/tpi)
Lukim papa i eksplenim long pikinini stori bilong Baibel long hau God i wokim ol samting.
Skelim sapos tok bilong evolusen i pait wantaim tok bilong Baibel.
“Yu Ting God i Wokim Kain Kain Samting i Gat Laip Long Rot Bilong Evolusen?” (Atikol long websait)
Taim yu ritim buklet yu ken skelim, ol bun bilong ol samting long bipo em ol i painim na ol eksperimen bilong saiens i soim olsem laip i gat kirap bilong en o i kamap nating.