FEBRUERI 26–MAS 3
BUK SONG 11-15
Singsing 139 na Beten | Tok Bilong Kirapim Miting (1 min.)
1. Piksaim Yu Yet Long Nupela Taim God Bai Kamapim
(10 min.)
Taim ol man i no rispektim lo, dispela i kamapim pasin bilong pait na bagarapim man em yumi lukim long nau (Sg 11:2, 3; w06 5/15 18 par. 3)
Yumi ken bilip tru olsem klostu nau Jehova bai pinisim pasin bilong pait na bagarapim man (Sg 11:5; wp16.4 11)
Taim yumi tingim tok promis bilong Jehova dispela bai helpim yumi long wet na i no les kwik long wetim em long kisim bek yumi, (Sg 13:5, 6; w17.08 6-7 par. 15)
TRAIM DISPELA: Ritim Esekiel 34:25, na lusim haptaim long piksaim yu yet long dispela taim we i gat bel isi olsem tok dispela skripsa i kamapim. mwbr24.01-MP kr 236 par. 16.
2. Mekim Wok Painimaut:
(10 min.)
Sg 14:1—Olsem wanem pasin em dispela ves i stori long en inap givim hevi long ol Kristen? (w13 9/15 19 par. 12)
Yu lainim wanem samting long Baibel ritim bilong dispela wik em yu laik kamapim?
3. Baibel Ritim
(4 min.) Sg 13:1–14:7 (th stadi 2)
4. Kirapim Toktok
(2 min.) AUTIM TOK LONG KAIN KAIN TAIM NA PLES. Invaitim man long Memorial. (lmd lesen 5 poin 3)
5. Kirapim Toktok
(1 min.) AUTIM TOK LONG OL HAUS. Invaitim man long Memorial. (lmd lesen 3 poin 4)
6. Kirapim Toktok
(3 min.) AUTIM TOK LONG OL HAUS. Man i amamas long kisim invatesen bilong Memorial. (lmd lesen 7 poin 4)
7. Kamapim Ol Disaipel
(5 min.) lff lesen 13 ol bikpela poin, riviu, na mak yu laik winim. Yusim wanpela atikol long hap “Mekim Wok Painimaut” long helpim sumatin long kliagut long tingting bilong God long lotu giaman. (th stadi 12)
Singsing 8
8. “Savetingting i Gutpela Moa Winim Ol Samting Bilong Pait”
(10 min.) Stori na givim ol askim.
Pasin bilong pait na bagarapim man i go bikpela long olgeta hap. Jehova i save olsem taim yumi lukim pasin bilong pait na bagarapim man dispela inap mekim na yumi tingting planti. Na tu, em i save olsem em i mas lukautim yumi. Wanpela rot em i yusim long lukautim yumi em long rot bilong Tok bilong em, Baibel.—Sg 12:5-7.
Baibel i kamapim “savetingting i gutpela moa winim ol samting bilong pait.” (Ekl 9:18) Skelim hau ol dispela stiatok bilong Baibel inap helpim yumi long abrusim hevi bilong pasin bilong pait na bagarapim man.
Ekl 4:9, 10—No ken stap o raun yu yet long hap i no seif o ples em hevi i laik kamap
Pr 22:3—Save long ol samting i kamap long taim yu stap long pablik ples
Pr 26:17—No ken insait long kros bilong ol narapela
Pr 17:14—Kwiktaim lusim hap yu stap long en taim i luk olsem hevi i laik kamap. Na stap longwe long ol manmeri i bung long protes samting
Lu 12:15—No ken tingting long lukautim kago bilong yu sapos laip bilong yu inap lus
Pilaim VIDIO Bihainim Pasin Bilong Ol Bilipman, i No Ol Man i No Gat Bilip—Enok, i No Lamek. Bihain askim odiens:
Olsem wanem stori bilong Enok i stiaim ol disisen na pasin bilong papa taim i gat hevi bilong pait na bagarapim man?—Hi 11:5
Sampela taim ating Kristen inap pilim olsem em i mas mekim sampela samting bilong lukautim em yet na ol kago bilong em. Sapos olsem, em bai mekim olgeta samting em inap mekim bambai em i no pinisim laip bilong narapela man na i gat asua long blut.—Sg 51:14; lukim “Askim” long Wastaua bilong Julai 2017.
9. Wok Bilong Invaitim Ol Man Long Memorial Bai Kirap Long Sarere, Mas 2
(5 min.) Wanpela elda i mekim dispela tok. Stori long rot ol brata i stretim bilong tilim invatesen, mekim bung bilong spesel tok, na Memorial. Kirapim ol pablisa long tingim olsem ol i ken mekim painia haptaim na kisim 15 aua long mun Mas na Epril.
10. Baibel Stadi Bilong Kongrigesen
(30 min.) bt sap. 6 par. 9-17