• Sapotim Ol Meri Kristen Insait Long Kongrigesen
    Wastaua (Stadi Edisen)—2020 | Septemba
    • Jisas i sindaun na mekim wok tisa. Marta na Maria i sindaun klostu long lek bilong Jisas na putim yau long em. Grup piksa: 1. Tupela marit i go visitim wanpela lapun sista long haus bilong em. Brata i toktok wantaim lapun sista, na meri bilong em i putim ol kaikai long haus kuk. 2. Tupela marit i mekim famili lotu wantaim wanpela sista na pikinini gel bilong em. 3. Wanpela brata i helpim tupela sista na senisim taia long kar bilong tupela.

      Olsem Jisas, yumi ken soim olsem yumi tingim ol gutpela sista bilong yumi (Lukim paragraf 6-9)e

       6. Olsem Luk 10:38-42 i kamapim, Jisas i helpim Maria na Marta olsem wanem?

      6 Jisas i lusim sampela haptaim long stap wantaim ol sista, na em i stap olsem gutpela pren bilong ol. Tingim pasin pren bilong em wantaim Maria na Marta, tupela wantaim i singel. (Ritim Luk 10:38-42.) Toktok na pasin bilong Jisas i mekim na ol i stap bel isi. Maria i no pret long sindaun klostu long lek bilong em olsem wanpela disaipel.c Na Marta i bel hevi bikos Maria i no helpim em, na em i no pret long tokim Jisas long tingting bilong em. Long dispela taim, Jisas i helpim tupela wantaim long kisim skul long ol bikpela samting. Na em i soim olsem em i tingim dispela tupela meri na brata bilong ol, Lasarus, taim em i go lukim ol. (Jon 12:1-3) Olsem na taim Lasarus i sik nogut tru, Maria na Marta i save olsem ol inap go long Jisas bilong kisim helpim.—Jon 11:3, 5.

  • Sapotim Ol Meri Kristen Insait Long Kongrigesen
    Wastaua (Stadi Edisen)—2020 | Septemba

    • c Wanpela wok painimaut i tok: “Ol disaipel i save sindaun klostu long lek bilong tisa bilong ol. Ol strongpela disaipel i save redi long kamap ol tisa—em wok ol meri i no inap mekim. . . . Maria i lusim wok bilong redim kaikai na em i sindaun klostu long lek bilong Jisas na em i laik tru long harim olgeta tok bilong em . . . dispela samting inap mekim sampela man Juda i kirap nogut.”