3. Kisim stretpela save long man i dai i stap olsem wanem

Long olgeta hap bilong graun, ol man i gat narapela narapela bilip long wanem samting i painim yumi taim yumi dai. Tasol olgeta dispela bilip i no tru.

• Long hap bilong yu ol man i gat wanem bilip long ol man i dai pinis?

VIDIO: Wanem Samting i Painim Ol Man i Dai Pinis?—Hap Bilong En (1:19)

Ritim Eklisiastis 3:20, na stori long ol dispela askim:

• Olsem dispela ves i tok, wanem samting i kamap taim man i dai?

• Yu ting wanpela samting long man i stap laip yet taim em i dai?

Baibel i tokim yumi long dai bilong Lasarus, em gutpela pren bilong Jisas. Taim yu ritim Jon 11:11-14, lukim tok Jisas i mekim long Lasarus. Na stori long ol dispela askim:

• Jisas i tok dai i olsem wanem samting?

• Dispela i givim wanem tingting long yu long ol man i dai pinis?

• Yu pilim olsem wanem long tok Baibel i mekim long ol man i dai pinis?

4. Jisas i kamapim klia olsem em inap kirapim bek ol daiman

Kisim sampela save moa long samting Jisas i bin mekim long pren bilong em Lasarus. Ritim Jon 11:14, 38-44, na stori long ol dispela askim:

• Hau yumi save olsem Lasarus i bin dai tru tru?—Lukim ves 39.

• Sapos Lasarus i bin go long heven, yu ting Jisas bai bringim em i kam bek long graun?

Pilaim VIDIO.

VIDIO: Jisas i Kirapim Bek Lasarus (1:16)