• God Em i Husat?
    Stap Amamas Oltaim!—Stadi Long Baibel

    • 4. Jehova i laik bai yu save long nem bilong em na kolim

      Wanem samting i soim olsem Jehova i laik bai yu mas save long nem bilong em? Pilaim VIDIO, na stori long ol dispela askim.

      VIDIO: Yu Ting God i Gat Nem?—Hap Bilong En (3:11)

      Wanpela piksa bilong vidio ‘Yu Ting God i Gat Nem?​—Hap Bilong En.’ Wanpela man i skelim nem bilong God, Jehova, long Song 83:18 long Baibel ‘King James Version’ bilong yia 1611.

      • Yu ting Jehova i laik bai ol man i mas save long nem bilong em? Bilong wanem?

      Jehova i laik bai ol man i mas kolim nem bilong em. Ritim Rom 10:13, na stori long ol dispela askim:

      • Bilong wanem em i bikpela samting long kolim nem bilong God, Jehova?

      • Yu save pilim olsem wanem taim wanpela i tingim nem bilong yu na kolim?

      • Yu ting Jehova i pilim olsem wanem taim yu kolim nem bilong em?

  • Olsem Wanem Ol Lotu Giaman i Bagarapim Nem Bilong God?
    Stap Amamas Oltaim!—Stadi Long Baibel

    • 1. Olsem wanem ol tok ol lotu giaman i skulim ol man long en i bagarapim nem bilong God?

      Ol lotu giaman i bilip long ol tok giaman na skulim ol man long ol tok giaman na i no tok i tru bilong God. (Rom 1:25) Olsem, planti lotu i no skulim ol man long nem bilong God. Tasol Baibel i tok ol man i mas yusim nem bilong God. (Rom 10:13, 14) Sampela bikman bilong lotu i tok, taim hevi i painim wanpela, dispela em laik bilong God. Tasol dispela em tok giaman. God i no as bilong pasin nogut. (Ritim Jems 1:13.) Sori tru, ol tok giaman bilong ol lotu i mekim na ol manmeri i no laikim God.