3. Yumi ken mekim wanem bilong soim tenkyu bilong yumi?

Piksaim long tingting olsem yu wok long draun na wanpela i kam seivim yu. Bai yu lusim tingting tasol long samting em i mekim long yu? O bai yu painim rot long soim olsem yu pilim tru samting em i mekim.

Yumi gat dinau long Jehova, long laip em i givim yumi. Ritim 1 Jon 4:8-10, na stori long ol dispela askim:

• Wai na sakrifais bilong Jisas em wanpela spesel presen?

• Yu pilim olsem wanem long samting Jehova na Jisas i mekim long yu?

Hau bai yumi soim tenkyu bilong yumi long samting Jehova na Jisas i mekim long yumi? Ritim 2 Korin 5:15 na 1 Jon 4:11; 5:3. Taim yu ritim pinis ol dispela skripsa, stori long dispela askim:

• Olsem skripsa i tok, yumi ken mekim wanem bilong soim tenkyu bilong yumi?

1. Wanem samting inap kirapim wanpela long dediket?

Pasin laikim i kirapim yumi long dediket long Jehova. (1 Jon 4:10, 19) Baibel i tokim yumi: “Laikim Jehova, God bilong yu. Yu mas laikim em long bel olgeta bilong yu, na long laip olgeta bilong yu, na long tingting olgeta bilong yu, na long strong olgeta bilong yu.” (Mak 12:30) Yumi soim olsem yumi laikim God long rot bilong toktok bilong yumi, na tu, long ol samting yumi mekim. Man na meri husat i laikim tru narapela narapela tupela i save marit, olsem tasol pasin bilong yumi long laikim Jehova i kirapim yumi long dediket long em na kisim baptais.