• “Samting Yu Holim, Em Yu Mas Holim Strong”
    Kamapim Tok Hait—Bikpela Samting Bilong En i Laik Kamap!

    • 10. Jisas i mekim wanem tok long kongrigesen long Filadelfia bilong strongim bel bilong ol?

      10 Jisas i kisim bikpela strong, olsem na tok bilong em i strongim tru ol Kristen long Filadelfia! Em i amamas long gutpela wok ol i mekim na em i tok: “Mi save pinis long olgeta pasin yu save mekim. Orait lukim. Long pes bilong yu, mi putim dua i op i stap, na i no gat wanpela man inap long pasim. Mi save olsem yu gat liklik strong tasol i stap yet, na yu bin bihainim tok bilong mi, na yu no bin givim baksait long nem bilong mi.” (KTH 3:⁠8) Kongrigesen i bin wok strong na nau dua i op long ol bilong mekim wok bilong helpim ol man. (Lukim 1 Korin 16⁠:9; 2 Korin 2⁠:12.) Dua i op, olsem na Jisas i kirapim kongrigesen long givim bel long mekim wok bilong autim tok. Ol i bin sanap strong na spirit bilong God i helpim ol bambai ol i gat strong inap long mekim sampela wok moa long wok bilong God Jehova. (2 Korin 12⁠:10; Sekaraia 4⁠:⁠6) Ol i bin bihainim tok bilong Jisas, na ol i no bin givim baksait long em long wanpela tok o pasin bilong ol.

  • “Samting Yu Holim, Em Yu Mas Holim Strong”
    Kamapim Tok Hait—Bikpela Samting Bilong En i Laik Kamap!

    • 14. Wanem bikpela truim bilong Aisaia 49⁠:23 na Sekaraia 8⁠:23 i bin kamap long taim bilong yumi?

      14 Bikpela truim bilong ol tok profet olsem bilong Aisaia 49⁠:23 na Sekaraia 8⁠:23 i bin kamap long taim bilong yumi. Dispela lain em Jon i piksa bilong ol, ol i bin autim tok na planti planti manmeri i bin harim na ol i go insait long dispela dua i op na ol i kirap mekim wok bilong Kingdom.b Bipo planti ol i bilong ol misin i gat nem Kristen, em ol i giaman na tok ol i Israel bilong spirit. (Lukim Rom 9⁠:⁠6.) Ol dispela manmeri i mekim wok bilong Kingdom, ol i bikpela lain na ol i bilip long blut bilong Jisas em i givim olsem ofa​—⁠i olsem ol i wasim klos bilong ol long blut bilong Jisas na klos i kamap waitpela. (KTH 7⁠:​9, 10, 14) Ol i bihainim lo bilong Kingdom bilong Krais na ol i wet long kisim ol blesing bilong en hia long graun. Ol i go long ol brata bilong Jisas, em ol Kristen God i bin makim, na long spirit i olsem ol i “brukim skru” long ol, long wanem ‘ol i harim olsem God i stap wantaim ol.’ Ol i mekim ol wok bilong helpim ol dispela brata bilong Jisas na ol i kamap wanlain wantaim ol. Olgeta i stap olsem brata brata long olgeta hap bilong graun.​—⁠Matyu 25⁠:​34-​40; 1 Pita 5⁠:⁠9.

  • “Samting Yu Holim, Em Yu Mas Holim Strong”
    Kamapim Tok Hait—Bikpela Samting Bilong En i Laik Kamap!

    • b Dispela lain Jon i piksa bilong ol, ol i wokim nius Wastaua na dispela nius i wok yet long tokim ol man olsem dua i op yet na ol i mas hariap i go insait long wok bilong autim tok na givim bel long mekim dispela wok inap tru long strong samting bilong ol. Lukim Wastaua bilong Janueri 1, 2004, i kamapim stori olsem: “Olgeta i Mas Tokaut Long Biknem Bilong Jehova” na “Olgeta Hap Bilong Graun i Harim Pinis Nek Bilong Ol.” Na stori “Ol Man i Givim Glori Long God Ol i Kisim Blesing,” long Wastaua bilong Jun 1, 2004, i kirapim ol bratasista long mekim wok painia. Long wanpela mun long 2005 i gat 1,093,522 painia.