Tipisalema

26 Oho Yehovha, ndzi ava nyise,+ hikuva mina ndzi fambe hi vutshe mbeki byanga,+

Naswona ndzi tshembe Yehovha, leswaku ndzi nga tsekatseki.+

 2 Oho Yehovha, ndzi kambele, u ndzi ringa;+

Tengisa tinso ta mina ni mbilu+ ya mina.

 3 Hikuva musa wa wena wa rirhandzu wu le mahlweni ka mahlo ya mina,

Naswona ndzi fambe entiyisweni+ wa wena.

 4 A ndzi tshamanga ni vanhu lava nga riki na ntiyiso;+

Naswona a ndzi ngheni+ ni vanhu lava va fihlaka leswi va nga swona.

 5 Ndzi venga nhlengeletano ya vaendli va leswo biha,+

Naswona a ndzi tshami+ ni lavo homboloka.

 6 Ndzi ta hlamba mavoko ya mina hi ku pfumala nandzu,+

Ndzi ta rhendzeleka ealitarini ya wena, Wena Yehovha,+

 7 Ndzi endla leswaku ku nkhensa ku twala swinene,+

Ni ku vula mintirho+ ya wena hinkwayo leyi hlamarisaka.

 8 Yehovha, ndzi swi rhandzile ku tshama endlwini+ ya wena

Ni ndhawu leyi ku vangama+ ka wena ku tshamaka eka yona.

 9 U nga susi moyaxiviri wa mina swin’we ni vadyohi,+

Hambi ku ri vutomi bya mina ni bya vanhu lava va nga ni nandzu wa ngati.+

10 Lava ku nga ni ku tikhoma ko biha+ emavokweni ya vona,

Lava ku nga ni ku fumbarherisa+ evokweni ra vona ra xinene.

11 Loko ku ri mina, ndzi ta famba hi vutshembeki bya mina.+

Ndzi kutsule,+ u ndzi tsakela.+

12 Kunene nenge wa mina wu ta yima exivandleni lexi nga rivala;+

Ndzi ta dzunisa Yehovha+ emintshungwini leyi hlengeletaneke.