Tipisalema

37 U nga karihi hikwalaho ka lava endlaka swo biha.+

U nga va vondzoki lava endlaka leswi nga lulamangiki.+

 2 Hikuva hi ku hatlisa va ta vuna+ ku fana ni byanyi,

Hi ku hatlisa va ta vuna+ ku fana ni byanyi bya rihlaza lebya ha humaka.

 3 Tshemba Yehovha u endla leswinene;+

Tshama emisaveni, kutani u endla hi ku tshembeka.+

 4 Kuma ntsako lowu heleleke eka Yehovha,+

Kutani u ta ku nyika leswi komberiwaka hi mbilu ya wena.+

 5 Andlala ndlela ya wena eka Yehovha,+

U n’wi tshemba,+ yena u ta teka goza.+

 6 Kunene u ta humesa ku lulama ka wena tanihi ku vonakala,+

Ni vululami bya wena kukota nhlikanhi.+

 7 Miyela emahlweni ka Yehovha+

N’wi rindzele hi ku swi rhandza.+

U nga karihi loko un’wana a humelela endleleni yakwe,+

Munhu la hetisisaka mianakanyo yakwe.+

 8 Tshika ku hlundzuka, siya vukarhi;+

U nga kariheli ku endla swo biha.+

 9 Hikuva lava endlaka swo biha va ta herisiwa,+

Kambe lava tshembaka Yehovha hi vona lava nga ta dya ndzhaka ya misava.+

10 Hi nkarhinyana, lowo homboloka a nge he vi kona;+

Kunene u ta languta endhawini yakwe, u ta va a nga ri kona.+

11 Kambe lavo rhula va ta dya ndzhaka ya misava,+

Hakunene va ta kuma ntsako lowu heleleke eku rhuleni lokukulu.+

12 Lowo homboloka u luka rhengu a lukela lowo lulama,+

U n’wi getserisela meno.+

13 Yehovha u ta n’wi hleka,+

Hikuva wa swi vona kunene leswaku siku rakwe ri ta ta.+

14 Lavo homboloka va hlomule banga naswona va kunge vurha bya vona,+

Leswaku va wisa la xanisekaka ni la nga xisiwana,+

Ku dlaya lava lulameke endleleni ya vona.+

15 Banga ra vona ri ta nghena embilwini ya vona,+

Ni mavurha ya vona ma ta tshoveka.+

16 Swa antswa leswitsongo swa lowo lulama+

Ku tlula swo tala swa lavo homboloka.+

17 Hikuva mavoko ya lavo homboloka ma ta tshoveka,+

Kambe Yehovha u ta seketela lavo lulama.+

18 Yehovha wa ma lemuka masiku ya lava pfumalaka xihoxo,+

Ni ndzhaka ya vona yi ta va kona hilaha ku nga riki na makumu.+

19 A va nge khomiwi hi tingana hi nkarhi wa khombo,+

Va ta xurha hi masiku ya ndlala.+

20 Hikuva lavo homboloka va ta lova,+

Ni valala va Yehovha va ta fana ni madyelo ya risima;

Va fanele va fika emakumu.+ Va fanele va herisiwa hi musi.+

21 Lowo homboloka wa lomba kambe a nga tlherisi,+

Kambe lowo lulama u kombisa tintswalo naswona u humesa tinyiko.+

22 Hikuva lava katekisiwaka hi yena va ta fuwa misava,+

Kambe lava a va rhukanaka va ta herisiwa.+

23 Yehovha u lunghiselele milenge ya munhu la tiyeke emirini,+

Naswona U tsakisiwa+ hi ndlela yakwe.

24 Hambiloko o wa, a nge lahleriwi ehansi,+

Hikuva Yehovha u seketela voko rakwe.+

25 A ndzi ri jaha, kambe se ndzi dyuhele,+

Kambe a ndzi si tshama ndzi vona munhu la lulameke a tshikiwa hi ku helela,+

Hambi ku ri vana vakwe va lava xinkwa.+

26 Siku hinkwaro u kombisa tintswalo naswona wa lombisa,+

Ni vana vakwe va faneriwa hi nkateko.+

27 Fularhela swo biha u endla leswinene,+

Kutani u tshama hilaha ku nga riki na makumu.+

28 Hikuva Yehovha u rhandza vululami,+

Naswona a nge va siyi lava tshembekeke vakwe.+

ע [ʽAʹyin]

Kunene va ta rindziwa hilaha ku nga riki na makumu;+

Kambe loko ku ri vana va lavo homboloka, kunene va ta herisiwa.+

29 Lavo lulama va ta dya ndzhaka ya misava,+

Va ta tshama eka yona hi masiku.+

30 Nomu wa lowo lulama hi wona wu vulaka vutlhari hi rito ra le hansi,+

Ni ririmi rakwe ri vulavula hilaha ku lulameke.+

31 Nawu wa Xikwembu xakwe wu le mbilwini yakwe;+

Milenge yakwe a yi nge tsekatseki.+

32 Lowo homboloka u tshama a rindze lowo lulama+

U lava ku n’wi dlaya.+

33 Loko ku ri Yehovha, a nge n’wi siyi evokweni ra yoloye,+

Naswona a nge vuli leswaku u hombolokile loko a n’wi avanyisa.+

34 Tshemba Yehovha u hlayisa ndlela yakwe,+

U ta ku tlakusa leswaku u dya ndzhaka ya misava.+

U ta swi vona loko lavo homboloka va herisiwa.+

35 Ndzi n’wi vonile muxanisi wo homboloka+

A nava ku fana ni murhi lowu vekaka mihandzu emisaveni ya wona.+

36 Kambe a hundza, a nga ha vi kona;+

Naswona a ndzi hambeta ndzi n’wi lava, kambe a nga kumekanga.+

37 Languta la pfumalaka xisandzu naswona u vona la lulameke,+

Hikuva vumundzuku bya munhu yoloye byi ta va ni ku rhula.+

38 Kambe lava tlulaka nawu kunene va ta lovisiwa swin’we;+

Vumundzuku bya lavo homboloka byi ta herisiwa hakunene.+

39 Ku ponisiwa ka lavo lulama ku huma eka Yehovha;+

I xisirhelelo xa vona hi nkarhi wa maxangu.+

40 Yehovha u ta va pfuna a va ponisa.+

U ta va balekisa eka vanhu vo homboloka kutani a va ponisa,+

Hikuva va tumbele eka yena.+