Vaavanyisi

7 Hiloko Yerubali,+ ku nga Gidiyoni,+ ni vanhu hinkwavo lava a va ri na yena, va pfuka nimpundzu swinene va ya dzima mixaxa exihlobyeni xa Haroda; mixaxa ya Midiyani yi va en’walungwini wa yena, exitsungeni xa More, erivaleni ra le hansi. 2 Kutani Yehovha a byela Gidiyoni a ku: “Vanhu lava u nga na vona va tele ngopfu leswaku ndzi nyiketa Midiyani evokweni ra vona.+ Kumbexana Israyele a nga ha tikurisa+ eka mina, a ku, ‘Ndzi ponisiwe hi voko ra mina.’+ 3 Ndzi kombela leswaku sweswi u huwelela, vanhu va swi twa, u ku, ‘I mani la chavaka ni ku rhurhumela? A a tlhele.’”+ Gidiyoni a va kambela hi ndlela yoleyo. Hiloko ku tlhela vanhu va 22 000, ku sala 10 000.

4 Yehovha a tlhela a byela Gidiyoni a ku: “Vanhu va ha tele ngopfu.+ Va rhelerisele ematini leswaku ndzi ta ku kambelela vona kona. Kutani un’wana ni un’wana loyi ndzi nga ta ku byela ha yena ndzi ku, ‘Loyi u ta famba na wena,’ yoloye u ta famba na wena, kasi un’wana ni un’wana loyi ndzi nga ta ku byela ha yena ndzi ku, ‘Loyi a nge fambi na wena,’ yoloye a nge fambi na wena.” 5 Hiloko a rhelerisela vanhu ematini.+

Kutani Yehovha a byela Gidiyoni a ku: “Un’wana ni un’wana loyi a kapitelaka mati hi ririmi hilaha mbyana yi kapitelaka hakona, u ta n’wi veka etlhelo, ni un’wana ni un’wana loyi a orhovelaka a nwa mati.”+ 6 Nhlayo ya lava va kapitelaka hi voko yi va 300. Loko ku ri vanhu lavan’wana hinkwavo, va orhovele va nwa mati.

7 Sweswi Yehovha a byela Gidiyoni a ku: “Ndzi ta mi ponisa hi vavanuna va 300 lava va kapiteleke mati, ndzi ta nyikela Midiyani evokweni ra n’wina.+ Loko ku ri vanhu lavan’wana hinkwavo, un’wana ni un’wana a a fambe a ya endhawini yakwe.” 8 Kutani va teka timbuva ta vanhu emavokweni ya vona, ni tinanga ta vona,+ vanhu hinkwavo va Israyele a va mukisa un’wana ni un’wana ekaya rakwe; a siya vavanuna lava va 300. Loko ku ri nxaxa wa Midiyani, a wu ri ehansi kakwe erivaleni ra le hansi.+

9 Kutani hi vusiku+ byebyo Yehovha a ku eka yena: “Pfuka, rhelela u ya enxaxeni, hikuva ndzi wu nyikete evokweni ra wena.+ 10 Kambe loko u chava ku rhelela, rhelela u ri na Pura mutirheli wa wena, u ya enxaxeni.+ 11 U fanele u yingisa leswi va nga ta swi vula,+ kunene endzhaku ka sweswo mavoko ya wena ma ta va ni matimba,+ kunene u ta rhelela u ya enxaxeni.” Kutani yena na Pura mutirheli wakwe va rhelela va ya emakumu ka lava va lunghekeleke nyimpi lava a va ri enxaxeni.

12 Midiyani na Amaleke ni va le Vuxeni+ hinkwavo a va fumbane erivaleni ra le hansi va tele ku fana ni tinjiya;+ tikamela+ ta vona a ti nga hlayeki, va tele ku fana ni swiribyana swa sava leswi swi nga eribuweni ra lwandle. 13 Gidiyoni a fika, kutani waswivo, a ku ri ni munhu loyi a a rungulela nakulobye norho, a ku: “Hi lowu norho lowu ndzi wu lorheke.+ Waswivo, a ku ri ni xinkwa xa maxalana xa xirhendzevutana lexi a xi khungulukela ehenhla ka nxaxa wa Midiyani. Kutani xi fika entsongeni, xi wu ba wu wa,+ xi wu hundzuluxa wu yima hi nhloko, kutani ntsonga wu mpfutama.” 14 Hiloko nakulobye a hlamula+ a ku: “Leri i banga ra Gidiyoni+ n’wana wa Yowasi, wanuna wa Israyele. Xikwembu+ xa ntiyiso xi nyikele Midiyani ni nxaxa hinkwawo evokweni rakwe.”+

15 Kuteloko Gidiyoni a twa ku runguriwa ka norho ni nhlamuselo ya wona,+ a sungula ku gandzela.+ Endzhaku ka sweswo a tlhelela enxaxeni wa Israyele a ku: “Pfukani,+ hikuva Yehovha u nyikete nxaxa wa Midiyani evokweni ra n’wina.” 16 Hiloko a avanyisa vavanuna lava va 300 va va mavuthu manharhu kutani a va khomisa tinanga+ hinkwavo ka vona ni makhuwana lamakulu lama nga riki na nchumu, ni swisana endzeni ka makhuwana lamakulu. 17 A ya emahlweni a ku eka vona: “Mi fanele mi dyondza hi ku languta mina, hi yona ndlela leyi mi faneleke mi endla ha yona. Loko ndzi fika emakumu ka nxaxa, mi fanele mi endla hilaha ndzi nga ta endla hakona. 18 Loko ndzi yimbe nanga, mina ni hinkwavo lava ndzi nga na vona, na n’wina mi fanele mi yimba tinanga, mi rhendzela nxaxa hinkwawo,+ mi fanele mi ku, ‘Ra Yehovha+ ni ra Gidiyoni!’”

19 Hi ku famba ka nkarhi Gidiyoni a fika emakumu ka nxaxa ni vavanuna va 100 lava a va ri na yena loko ku sungula ku rindza ka nivusiku.+ A va ha ku heta ku veka varindzi. Va yimba tinanga,+ va fayetela makhuwana lamakulu ya mati lawa a va ma khome hi mavoko.+ 20 Hiloko mavuthu manharhu ma yimba tinanga+ kutani ma faya makhuwana lamakulu, ma khoma swisana hi voko ra wona ra ximatsi ni tinanga hi voko ra wona ra xinene leswaku ma ti yimba, ma sungula ku huwelela ma ku: “Banga ra Yehovha+ ni ra Gidiyoni!” 21 Enkarhini wolowo un’wana ni un’wana a yima endhawini yakwe ku rhendzela nxaxa, hinkwavo lava a va ri enxaxeni va tsutsuma ni ku huwelela va ri karhi va baleka.+ 22 Vavanuna lava va 300+ va ya emahlweni va yimba tinanga,+ Yehovha a veka banga ra un’wana ni un’wana eka un’wana ni un’wana loyi a nga enxaxeni;+ hinkwavo lava nga enxaxeni va baleka ku ya fika eBeta-xita, eSerera, ku ya fika emakumu ka Avele-mehola+ eTabata.

23 Hi nkarhi wolowo vavanuna va Israyele a va hlengeletanile ku suka eNeftali+ na Axere+ na Manase,+ va hlongorisa+ Midiyani. 24 Gidiyoni a rhumela varhumiwa endhawini hinkwayo ya tintshava ya Efrayimi,+ a ku: “Rhelelani mi ya hlangana na Midiyani, mi teka mati emahlweni ka vona ku ya fika eBeta-bara ni le Yordani.” Hikwalaho vavanuna hinkwavo va Efrayimi va hlengeletana swin’we, va teka mati+ ku ya fika eBeta-bara na Yordani. 25 Va teka ni tihosana timbirhi ta Midiyani, ku nga Orebe na Zebe;+ va dlaya Orebe eribyeni ra Orebe,+ va dlaya na Zebe exikamelweni xa Zebe. Va hambeta va hlongorisa Midiyani,+ va tisa nhloko ya Orebe na Zebe eka Gidiyoni exifundzheni xa Yordani.+