Samuwele Wa Vumbirhi
22 Hiloko Davhida a yimbelelela Yehovha risimu+ leri hi siku leri Yehovha a n’wi poniseke ha rona evokweni ra valala vakwe+ hinkwavo ni le vokweni ra Sawulo.+ 2 A ku:
“Yehovha i ribye ra mina ni khokholo ra mina+ ni Loyi a ndzi ponisaka.+
3 Xikwembu xanga i ribye ra mina+ leri ndzi tumbelaka eka rona,
Xitlhangu xa mina+ ni rimhondzo* ra mina ro ponisa, vutumbelo bya mina lebyi sirhelelekeke,+
Ni ndhawu ya mina ya ku balekela eka yona,+ muponisi wa mina;+ wena la ndzi ponisaka emadzolongeni.
4 Ndzi vitana Yehovha loyi a faneriwaka hi ku dzunisiwa,
Naswona ndzi ta ponisiwa eka valala va mina.
5 Ndzi rhendzeriwe hi magandlati ya rifu;+
Maboboma ya vanhu lava nga pfuniki nchumu a ma ndzi chavisa.+
6 Tintambhu ta Sirha* ti ndzi rhendzerile;+
Mintlhamu ya rifu a yi ndzi cinamisele meno.+
7 Emaxangwini ya mina ndzi vitane Yehovha,+
A ndzi tshikanga ku vitana Xikwembu xa mina.
Kutani xi twe rito ra mina xi ri etempeleni ya xona,
Xi ndzi yingisile loko ndzi kombela ku pfuniwa.+
8 Misava yi sungule ku tsekatseka ni ku ninginika yi ya emahlweni ni le ndzhaku;+
Masungulo ya matilo ma ninginikile,+
Ma tsekatsekile ma ya emahlweni ni le ndzhaku hikwalaho ka leswi xi hlundzukisiweke.+
9 Tinhompfu ta xona a ti huma musi,
Enon’wini wa xona a ku huma ndzilo lowu lovisaka;+
A ku huma makala lama vuvumelaka eka xona.
10 Xi ove matilo loko xi ri karhi xi rhelela,+
Mapapa lama dzwihaleke a ma ri ehansi ka milenge ya xona.+
11 Xi te xi ri karhi xi haha xi gade kerubu.+
A xi vonaka etimpapeni ta ntsumi.*+
12 Kutani xi tifunengeta hi munyama ku fana ni tende,+
Ematini ya ntima ni le mapapeni yo dzwihala.
13 Rihati leri a ri ri emahlweni ka xona a ri humesa makala lama vuvumelaka.
14 Hiloko Yehovha a sungula ku dzindza a ri etilweni;+
La Nge Henhlahenhla a huwelela hi rito lerikulu.+
15 A copa valala vakwe hi miseve+ a va hangalasa;
A va ba hi rihati kutani a va pfilunganya.+
16 Vuento bya lwandle byi humela erivaleni;+
Masungulo ya tiko ma fununguleka hi ku tshinya ka Yehovha,
Hi ku hunga ka moya lowu humaka etinhompfini takwe.+
17 U tshambulute voko rakwe a ri ehenhla;
A ndzi khoma a ndzi humesa exidziveni xa mati.+
18 U ndzi ponisile eka nala wa mina loyi a nga ni matimba,+
Eka lava ndzi vengaka, lava a va ri ni matimba ku ndzi tlula.
19 Va ndzi hlaserile loko ndzi ri ekhombyeni,+
Kambe Yehovha a a ndzi seketela.
20 U ndzi humesile a ndzi veka laha ku hlayisekeke;*+
U ndzi ponisile hikuva a a ndzi rhandza.+
21 Yehovha u ndzi hakela hi ku ya hi mitirho ya mina yo lulama;+
U ndzi hakela hikwalaho ka leswi mavoko ya mina ma nga riki na nandzu.*+
22 Hikuva ndzi fambe etindleleni ta Yehovha,
Naswona a ndzi xi tshikanga Xikwembu xanga.
23 Swileriso swa xona hinkwaswo swi le mahlweni ka mina;+
A ndzi nge yi tshiki milawu ya xona.+
24 Ndzi ta tshama ndzi nga ri na nandzu+ eka xona,
Ndzi ta fambela ekule ni xidyoho.+
25 Onge Yehovha a nga ndzi hakela hi ku ya hi mitirho ya mina leyinene,+
Hikuva a ndzi na nandzu emahlweni ka yena.+
26 Wa tshembeka eka loyi a tshembekaka;+
Munhu wa matimba loyi a nga riki na nandzu u n’wi komba musa;+
27 U lonene eka munhu lonene,+
Kambe loyi a kanganyisaka u n’wi komba vutlhari bya wena.+
28 U ponisa lava titsongahataka,+
Kambe matihlo ya wena ma lwisana ni lava tikurisaka, wa va tsongahata.+
29 Hikuva u rivoni ra mina, Yehovha Xikwembu xanga;+
I Yehovha loyi a ndzi voningelaka emunyameni.+
30 Hi ku pfuniwa hi wena ndzi nga lwa ni vuthu ra vaphangi;
Hi matimba ya Xikwembu ndzi nga khandziya khumbi.+
31 Ndlela ya Xikwembu xa ntiyiso yi hetisekile;+
Marito ya Yehovha ma tengile.+
I xitlhangu eka hinkwavo lava tumbelaka eka yena.+
32 Hikuva i mani Xikwembu handle ka Yehovha?+
Naswona i mani ribye handle ka Xikwembu xa hina?+
33 Xikwembu xa ntiyiso i xisirhelelo xa mina xo tiya,+
Naswona xi ta basisa ndlela ya mina.+
34 Xi endla milenge ya mina yi fana ni ya mhunti;
Xi ndzi endla ndzi yima etindhawini leti tlakukeke.+
35 Xi dyondzisa mavoko ya mina ku lwa nyimpi;
Mavoko ya mina ma nga gova vurha bya koporo.
36 U ndzi nyika xitlhangu xa wena xa ku ponisa,
Ku titsongahata ka wena ka ndzi tlakusa.+
37 U ndzi basisela ndlela;
Milenge ya mina a yi nge rheti.+
38 Ndzi ta hlongorisa valala va mina ndzi va dlaya;
A ndzi nge tlheli va nga si hela.
39 Ndzi ta va dlaya ndzi va heta leswaku va nga ha pfuki;+
Ndzi ta va kandziyela.
40 U ta ndzi nyika matimba yo lwa nyimpi;+
U ta endla leswaku valala va mina va wa ehansi ka mina.+
41 U ta endla leswaku valala va mina va baleka loko va ndzi vona;+
Ndzi ta herisa* lava ndzi vengaka.+
42 Va kombela ku pfuniwa, kambe a ku na loyi a va ponisaka;
Va huwelela na le ka Yehovha, kambe a nga va hlamuli.+
43 Ndzi ta va kandza va fana ni ritshuri;
Ndzi ta va pyanya ndzi tlhela ndzi va kandziyela ku fana ni ndzhope eswitarateni.
44 U ta ndzi ponisa eka vanhu va ka hina lava xopaxopaka swihoxo.+
U ta ndzi sirhelela leswaku ndzi va murhangeri wa matiko;+
Ndzi ta tirheriwa hi vanhu lava ndzi nga va tivangiki.+
45 Valuveri va ta ta eka mina va tilondlile;+
Va ta ndzi yingisa hikwalaho ka leswi va swi tweke ha mina.
46 Valuveri va ta hela matimba;
Va ta huma laha va tumbeleke kona va ri karhi va rhurhumela.
47 Yehovha wa hanya! A ku dzunisiwe Ribye ra mina!+
A xi dzunisiwe Xikwembu xa ribye ra ku ponisiwa ka mina.+
48 Xikwembu xa ntiyiso hi xona xi ndzi rihiselelaka;+
Xi tsongahata vanhu ehansi ka mina;+
49 Xa ndzi ponisa eka valala va mina.
U ndzi tlakusela ehenhla+ ka lava ndzi hlaselaka;
Wa ndzi ponisa eka munhu wa madzolonga.+
50 Hi yona mhaka ndzi nga ta ku khensa, Yehovha Xikwembu xanga, exikarhi ka matiko,+
Ndzi ta yimbelela ndzi dzunisa vito ra wena:+
51 U ponisa hosi yakwe hi ndlela leyi hlamarisaka;+
U rhandza muhlawuriwa wakwe,