Tikronika Ta Vumbirhi

27 Yohatama+ a a ri ni malembe ya 25 loko a va hosi naswona u fume malembe ya 16 eYerusalema. Vito ra mana wakwe a ku ri Yeruxa n’wana wa Sadoki.+ 2 U ye emahlweni a endla leswinene emahlweni ka Yehovha hilaha tata wakwe Uziya a endleke hakona,+ ntsena a nga nghenanga etempeleni ya Yehovha swi nga fanelanga.+ Kambe vanhu a va ha endla swo biha. 3 U ake gede ya le henhla endlwini ya Yehovha+ naswona u endle ntirho lowukulu eku akiweni ka khumbi ra Ofeli.+ 4 U tlhele a aka miti+ endhawini leyi nga ni tintshava ya Yuda,+ a aka ni miti leyi biyeriweke+ ni swihondzo+ emakhwatini. 5 U lwe ni hosi ya Vaamoni+ a hetelela a va hlula, lerova elembeni rero Vaamoni va n’wi nyika titalenta* ta silivhere ta 100 ni mpimo wa tikoro* ta 10 000 ta koroni ni mpimo wa tikoro ta 10 000 ta maxalana. Vaamoni va tlhele va n’wi hakela hi swona elembeni ra vumbirhi ni ra vunharhu.+ 6 Kutani Yohatama a ya emahlweni a va ni matimba hikuva a a endla ku rhandza ka Yehovha Xikwembu xakwe.

7 Loko ku ri matimu ya Yohatama hinkwawo, tinyimpi leti a ti lweke ni hinkwaswo leswi a swi endleke, swi tsariwe eBukwini ya Tihosi ta Israyele ni ta Yuda.+ 8 U sungule ku fuma a ri ni malembe ya 25 naswona u fume malembe ya 16 eYerusalema.+ 9 Kutani Yohatama a fa a lahliwa ni vakokwa wakwe eMutini wa Davhida.+ Hiloko Akazi n’wana wakwe a va hosi.+