Yobo
23 Yobo a hlamula a ku:
3 Loko a ndzo tiva lomu ndzi nga kumaka Xikwembu kona!+
A ndzi ta ya laha xi tshamaka kona.+
4 A ndzi ta andlala mhaka ya mina eka xona,
Ndzi vula vumbhoni lebyi ndzi nga na byona leswaku ndzi tiyimela emahlweni ka xona;
5 A ndzi ta twa ndlela leyi xi nga ta ndzi hlamula ha yona,
Ndzi swi tekela enhlokweni leswi xi ndzi byelaka swona.
6 Xana xi nga kanetana na mina hi leswi xi nga ni matimba lamakulu?
Doo, ndza tshemba leswaku a xi ta ndzi yingisela.+
7 Kutani lowo lulama a a ta lulamisa timhaka na xona,
Naswona Muavanyisi wa mina a a nga ha ta ndzi vona nandzu hilaha ku nga heriki.
8 Kambe loko ndzi ya evuxeni, a xi kona;
Ni loko ndzi vuya a ndzi xi kumi.
9 Loko xi tirhela etlhelweni ra ximatsi, a ndzi xi voni;
Ni loko xi ya exineneni, a ndzi xi voni.
10 Kambe xa yi tiva ndlela leyi ndzi fambeke ha yona.+
Loko xi heta ku ndzi ringa, ndzi ta va ndzi basile ku fana ni nsuku wo tenga.+
12 A ndzi yi tshikanga milawu ya xona.
Ndzi yingisa milawu ya xona+ ku tlula mpimo lowu vekiweke.
13 Loko xi tiyimiserile, i mani la nga xi sivelaka?+
Loko xi lava ku endla swo karhi, xa swi endla.+
14 Hikuva xi ta swi endla hinkwaswo leswi ndzi kunguhateriweke swona,
Naswona swi tele.
15 Hi swona swi endlaka ndzi karhateka hikwalaho ka xona;
Loko ndzi ehleketa ha xona, ndzi taleriwa hi ku chava.
16 Xikwembu xi endle leswaku ndzi nga ha titshembi,
Lowa Matimba Hinkwawo u ndzi chavisile.
17 Kambe munyama a wu si ndzi miyeta,
Hambi xinyami lexi funengeteke xikandza xa mina.