Tipisalema
Pisalema ya Davhida.
144 A ku dzunisiwe Yehovha, Ribye ra mina,+
Loyi a dyondzisaka mavoko ya mina ku lwa,
Loyi a dyondzisaka tintiho ta mina nyimpi.+
2 I khokholo ra mina naswona wa ndzi rhandza,
Vutumbelo bya mina ni muponisi wa mina,
Xitlhangu xa mina ni Loyi ndzi tumbelaka eka yena,+
Loyi a hlulaka lava nga ehansi ka mina.+
3 Yehovha Xikwembu xanga, xana munhu wo va yini lerova u nga n’wi tekela enhlokweni,
N’wana wa munhu wo va yini lerova u nga n’wi yingisa?+
7 Tshambuluta mavoko ya wena;
Ndzi ponise u ndzi humesa ematini lama hobomulanaka,
Evokweni ra vanhu va le matikweni mambe,+
8 Lava vulavulaka mavunwa
Lava yimisaka voko ra vona ra xinene leswaku va hlambanya leswi nga riki ntiyiso.
9 Xikwembu xanga, ndzi ta ku yimbelelela risimu lerintshwa.+
Ndzi ta yimbelela ndzi ku dzunisa hi xitende xa tintambhu ta khume,
10 Eka Loyi a endlaka leswaku tihosi ti hlula,+
Loyi a ponisaka Davhida nandza wakwe eka banga leri dlayaka.+
11 Ndzi kutsule u ndzi ponisa eka vanhu va le matikweni mambe,
Lava vulavulaka mavunwa
Lava yimisaka voko ra vona ra xinene leswaku va hlambanya leswi nga riki ntiyiso.
12 Kutani vana va hina va majaha va ta fana ni swimilana leswi kulaka hi ku hatlisa,
Vana va hina va vanhwanyana va ta fana ni tiphuphu leti endleriweke yindlu ya vuhosi.
13 Switlati* swa hina swi ta khapakhapa hi swakudya swa mixaka hinkwayo;
Swifuwo swa hina swi ta andza swi va magidi, swi ta va makume ya magidi.
14 Tihomu ta hina ti ta mitha naswona a ti nge holoti;
A ku nge vi na loyi a nga ta rila erivaleni ra muti hikwalaho ka gome.
15 Va tsaka vanhu lava swi nga tano eka vona!
Va tsaka vanhu lava Xikwembu xa vona ku nga Yehovha!+