Yeremiya
50 Rito leri Yehovha a ri vuleke mayelana na Babilona,+ tiko ra Vakalidiya, hi ku tirhisa muprofeta Yeremiya ri ri:
2 “Swi vuleni exikarhi ka matiko, mi swi huwelela.
Yimisani mhandzi ya mfungho mi swi huwelela.
Mi nga tumbeti nchumu!
Vulani mi ku, ‘Babilona u khomiwile.+
Merodaki u chuhile.
Swifaniso swakwe swi khomisiwe tingana.
Swikwembu swakwe leswi nyenyetsaka* swi chuhile.’
3 Hikuva tiko leri humaka en’walungwini ri n’wi terile.+
Ri endla tiko ra yena ri va nchumu lowu chavisaka;
A ku na munhu la tshamaka eka yena.
Vanhu ni swiharhi va balekile;
Va fambile.”
4 “Emasikwini wolawo ni le nkarhini wolowo,” ku vula Yehovha, “vanhu va le Israyele ni va le Yuda va ta hlengeletana.+ Va ta famba va ri karhi va rila+ naswona va ta lava Yehovha Xikwembu xa vona.+ 5 Va ta vutisa ndlela yo ya eSiyoni, swikandza swa vona swi langute etlhelo rero,+ va ku, ‘Tanani hi endla ntwanano wa hilaha ku nga heriki na Yehovha lowu nga taka wu nga rivariwi.’+ 6 Vanhu va mina va hundzuke ntlhambi wa tinyimpfu leti lahlekeke.+ Varisi va vona va va tsendzelekisile.+ Va va lahlekise etintshaveni, va tsendzeleka etintshaveni ni le swintshabyanini. Va rivale ndhawu ya vona yo wisela eka yona. 7 Hinkwavo lava va kumaka va va dlayile+ naswona valala va vona va te, ‘A hi na nandzu hikuva va dyohele Yehovha, ndhawu yo tshama eka yona yo lulama ni ntshembo wa vakokwa wa vona, Yehovha.’”
8 “Balekani eBabilona,
Mi huma etikweni ra Vakalidiya,+
Mi fana ni swiharhi leswi rhangelaka ntlhambi.
9 Hikuva ndzi yimisa Babilona ni ku n’wi tisela
Tinxaka to tala leti humaka etikweni ra le n’walungwini.+
Ti ta ta ti lunghekele ku lwa na yena;
U ta khomiwa kwalaho.
Miseve ya tona yi fana ni ya nhenha
Leyi endlaka leswaku ku sala ku nga ha ri na vana;+
A yi vuyi yi nga ri na vuyelo.
Hinkwavo lava phangaka eka yena va ta eneriseka hilaha ku heleleke,”+ ku vula Yehovha.
Hikuva mi ye emahlweni mi tlulatlula ku fana ni thokazi* ebyanyini,
Mi ye emahlweni mi rila ku fana ni tihanci.
12 Mana wa n’wina u khomisiwe tingana.+
Yena loyi a mi velekeke u hele matimba.
Yingisani! Mana wa n’wina hi lontsongo ematikweni,
Mananga lama nga riki na mati ni kwandzasi.+
Un’wana ni un’wana la hundzaka eBabilona u ta n’wi languta hi ku chava,
A ba noti hikwalaho ka makhombo ya yena hinkwawo.+
14 Tanani eBabilona mi tilunghiselela ku lwa na yena matlhelo hinkwawo,
N’wina hinkwenu lava kungaka vurha.
15 N’wi beleni hungwe ra nyimpi matlhelo hinkwawo.
U tinyiketile.
Tirihiseleni eka yena.
Endlani eka yena hilaha a endleke hakona.+
Hikwalaho ka banga ra tihanyi, un’wana ni un’wana u ta tlhelela eka rikwavo,
Un’wana ni un’wana u ta balekela etikweni ra rikwavo.+
17 “Vaisrayele i tinyimpfu leti hangalakeke.+ Tinghala ti va hangalasile.+ Ku sungule hosi ya le Asiriya yi va lovisa;+ ku landzela Hosi Nebukadnetsara* wa le Babilona loyi a nga phorha marhambu ya vona.+ 18 Hikwalaho Yehovha wa mavuthu, Xikwembu xa Israyele u ri: ‘Ndzi ta xupula hosi ya le Babilona ni tiko ra yona hilaha ndzi yi xupuleke hakona hosi ya le Asiriya.+ 19 Ndzi ta vuyisela Israyele emadyelweni yakwe,+ u ta dya byanyi eKarimeli ni le Baxani+ naswona u ta xurha etintshaveni ta Efrayimi+ ni ta Giliyadi.’”+
20 “Emasikwini wolawo ni le nkarhini wolowo,” ku vula Yehovha,
“Nandzu wa Israyele wu ta lavisisiwa,
Kambe a wu nge kumeki,
Ni swidyoho swa Yuda a swi nge kumeki,
Hikuva lava ndzi va tshikaka va sala ndzi ta va rivalela.”+
21 “Famba u ya lwa ni tiko ra Meratayimi ni vaaki va le Pekodi.+
A va dlayeteriwe va lovisiwa hi ku helela,” ku vula Yehovha.
“Endla hinkwaswo leswi ndzi ku leriseke swona.
22 Ku ni mpfumawulo wa nyimpi etikweni,
Khombo lerikulu.
23 Vona ndlela leyi hamula ya misava hinkwayo yi tsemiweke ni ku tshoviwa ha yona!+
Vona ndlela leyi Babilona a hundzukeke nchumu wo chavisa ha yona exikarhi ka matiko!+
24 Ndzi ku rhiyele ntlhamu naswona u phasiwile, wena Babilona,
Kambe a wu nga swi tivi.
U kumiwile u khomiwa,+
Hikuva u lwe na Yehovha.
Hikuva Hosi Leyi Tlakukeke, Yehovha wa mavuthu u ni ntirho
Etikweni ra Vakalidiya.
26 Tanani mi ta lwa na yena ku suka etindhawini ta le kule.+
Pfulani madulu ya yena.+
N’wi fumbeni ku fana ni tinhulu ta mavele.
N’wi loviseni hi ku helela.+
Ku nga sali munhu eka yena.
Khombo eka swona hikuva siku ra swona ri fikile,
Nkarhi wa ku avanyisiwa ka swona!
28 Ku ni huwa ya lava balekaka,
Lava balekaka etikweni ra Babilona,
Leswaku va ya twarisa ku rihisela ka Yehovha Xikwembu xa hina eSiyoni,
Ku rihisela mayelana ni tempele ya yena.+
Dzimani matende mi n’wi rhendzela hinkwako; ku nga baleki munhu.
N’wi tlheriseleni hi ku ya hi ntirho wa yena.+
Endlani eka yena hilaha a endleke hakona.+
Hikuva u tikukumuxile eka Yehovha,
Eka Mukwetsimi wa Israyele.+
30 Kutani majaha yakwe ma ta dlayiwa erivaleni rakwe leri nga exikarhi ka muti,+
Ni masocha yakwe hinkwawo ma ta lovisiwa* hi siku rero,” ku vula Yehovha.
31 “Waswivo! Ndzi lwa na wena,+ wena muxandzuki,”+ ku vula Hosi Leyi Tlakukeke, Yehovha wa mavuthu,
“Hikuva siku ra wena ri fanele ri fika, nkarhi lowu ndzi nga ta ku xupula ha wona.
Ndzi ta hisa miti ya wena hi ndzilo,
Wu ta hisa swilo hinkwaswo leswi ku rhendzeleke.”
33 Yehovha wa mavuthu u ri:
“Vanhu va le Israyele ni va le Yuda va tshikileriwa,
Naswona hinkwavo lava va va endlaka mahlonga va va khomile.+
Va ala ku va tshika va famba.+
34 Kambe Mukutsuri wa vona u ni matimba.+
Vito ra yena i Yehovha wa mavuthu.+
Entiyisweni u ta yimelela nandzu wa vona ehubyeni,+
Leswaku a wisisa tiko+
Ni ku tisela vaaki va le Babilona+ maxangu.”
35 “Ku ni banga leri lwaka ni Vakalidiya,” ku vula Yehovha,
“Ri lwa ni vaaki va Babilona, tihosana takwe ni vanhu vakwe vo tlhariha.+
36 Ku ni banga leri lwaka ni vaprofeta va mavunwa naswona va ta endla swilo hi ndlela ya vuphukuphuku.
Ku ni banga leri lwaka ni tinhenha takwe naswona ti ta khomiwa hi ku chava.+
37 Ku ni banga leri lwaka ni tihanci ta vona ni makalichi ya vona ya nyimpi,
Ri lwa ni vanhu lava humaka ematikweni man’wana lava nga exikarhi ka yena,
Va ta fana ni vavasati.+
Ku ni banga leri lwaka ni xuma xakwe naswona xi ta phangiwa.+
38 Mati ya yena ma onhiwa naswona ma ta phya.+
Hikuva i tiko ra swifaniso leswi vatliweke,+
Va tshamela ku hlangana nhloko hikwalaho ka swivono swa vona leswi chavisaka.
39 Hikwalaho, swivumbiwa swa le mananga swi ta tshama ni swiharhi leswi rilaka,
Ku ta tshama tinca eka yena.+
A ku nge he tlheli ku tshamiwa eka yena,
A ku nge he tshami munhu eka yena hilaha ku nga heriki.”+
40 “Hilaha Xikwembu xi loviseke Sodoma na Gomora+ ni miti leyi nga le kusuhi,”+ ku vula Yehovha, “a ku na munhu loyi a nga ta tshama kona.+
Leti humaka etindhawini ta le kule swinene ta misava.+
Va ni tihanyi naswona a va nge vi na tintswalo.+
Mpfumawulo wa vona wu fana ni lwandle leri kariheke,+
Loko va ri karhi va tsutsuma hi tihanci ta vona.
Va tilunghiselela tanihi munhu un’we ku lwa na wena, wena nhwanyana wa Babilona.+
Yi khomiwa hi switlhavi,
Switlhavi swo fana ni swa wansati la velekaka.
44 “Waswivo! Ku fana ni nghala leyi taka yi huma emakhwatini lama tlhumeke ekusuhi na Yordani, ku ta ta un’wana a fika a hlasela madyelo lama sirhelelekeke, kambe hi ku copeta ka tihlo ndzi ta endla leswaku va n’wi balekela. Ndzi ta n’wi vekela murhangeri loyi ndzi n’wi hlawuleke.+ Hikuva i mani la fanaka na mina naswona i mani loyi a nga ndzi sivelaka? Hi wihi murisi loyi a nga yimaka emahlweni ka mina?+ 45 Hikwalaho twanani xiboho lexi Yehovha a xi endleke hi Babilona+ ni leswi a swi ehleketaka hi tiko ra Vakalidiya.
Entiyisweni swinyimpfana swi ta kokakokiwa.
U ta endla ndhawu ya swona yi va rhumbi hikwalaho ka vona.+