Tipisalema
2 N’wi yimbeleleleni, n’wi yimbeleleni mi n’wi dzunisa hi tinsimu,
3 Tibumeni hi vito rakwe ro kwetsima.+
Timbilu ta lava lavaka Yehovha a ti tsake.+
4 Lavisisani Yehovha+ ni matimba yakwe.
N’wi lavisiseni nkarhi hinkwawo.
5 Tsundzukani mitirho yakwe yo hlamarisa leyi a yi endleke,
Masingita yakwe ni ndlela leyi a avanyiseke ha yona,+
6 N’wina vana* va Abrahama nandza wakwe,+
N’wina vana va Yakobo, vahlawuriwa vakwe.+
7 I Yehovha Xikwembu xa hina.+
U avanyisa misava hinkwayo.+
8 U tsundzuka ntwanano wakwe hilaha ku nga heriki,+
Xitshembiso lexi a xi endleke* eka xitukulwana xa vugidi,+
9 Ntwanano lowu a wu endleke na Abrahama,+
Ni xihlambanyo lexi a xi endleke eka Isaka,+
10 Lexi a xi endleke xi va nawu eka Yakobo,
Xi va ntwanano lowu nga heriki eka Israyele,
11 A ku, “Ndzi ta ku nyika tiko ra Kanana,+
Ri va ndzhaka ya wena.”+
12 Va kume xitshembiso lexi va nga si tala,+
Ina, a va ha ri vatsongo swinene naswona a va ri valuveri etikweni.+
14 A nga pfumelelanga munhu leswaku a va tshikilela,+
Kambe u tshinye tihosi hikwalaho ka vona,+
15 A ku, “Mi nga tshuki mi khumba vahlawuriwa va mina,
Naswona mi nga endli nchumu xo biha eka vaprofeta va mina.”+
18 Va bohe milenge yakwe hi tinketana,+
Nhamu yakwe va yi bohe hi tinsimbhi;
19 Kukondza ku fika nkarhi lowu leswi a swi vuleke swi endlekaka,+
Rito ra Yehovha hi rona ri n’wi lulamiseke.
21 Yi n’wi endle ndhuna ya yindlu ya yona,
A fuma swilo swa yona hinkwaswo,+
22 Leswaku a lawula tihosana ta yona
Ni ku dyondzisa vakulukumba va yona vutlhari.+
24 Xikwembu xi endla leswaku vanhu va xona va tswalana va tala swinene;+
Xi va endla va va ni matimba ku tlula valala va vona,+
25 Xi va tshika va venga vanhu va xona,
Va bohela malandza ya xona makungu yo biha.+
31 Xi lerisa mabawa leswaku ma nghena etikweni
Ni tinsuna* leswaku ti nghena etindhawini ta vona hinkwato.+
33 Xi dlaya mirhi ya vona ya madiriva ni ya makuwa
Xi tshovelela mirhi etikweni ra vona.
35 Ti dya swimilana hinkwaswo etikweni,
Ti tlhela ti dya leswi byariweke emasin’wini.
36 Hiloko xi dlayetela mativula hinkwawo etikweni ra vona,+
Masungulo ya matimba ya vona ya ku veleka.
37 Xi humesa vanhu va xona va ri ni silivhere ni nsuku;+
Naswona a nga kona eka vanhu va xona la heleke matimba.
40 Va komberile, kutani xi va tisela tin’hwari;*+
A xi hamba xi va nyika xinkwa lexi humaka etilweni.+
42 Hikuva xi tsundzuke xitshembiso xo kwetsima lexi xi xi tshembiseke Abrahama nandza wa xona.+
44 Xi va nyika tindhawu ta vanhu va matiko;+
Va kuma leswi vanhu van’wana va swi tirheleke hi matimba,+
45 Leswaku va ta yingisa swileriso swa xona+
Ni milawu ya xona.
Dzunisani Yehovha!*