Timotiya Wo Sungula
6 Lava nga ehansi ka joko ra vuhlonga a va ye emahlweni va xixima vini va vona hi mbilu hinkwayo,+ leswaku ku nga tshuki ku vulavuriwa ku biha hi vito ra Xikwembu ni dyondzo ya xona.+ 2 Ku tlula kwalaho, lava vini va vona va nga vapfumeri va nga va deleli hileswi va nga vamakwavo. Ku ri na sweswo, va fanele va va tirhela hi ku tinyiketela hikuva lava vuyeriwaka eka ntirho lowunene lowu va wu endlaka i vapfumeri naswona va rhandzeka.
Va dyondzise ni ku va tsundzuxa leswi ndzi ku byelaka swona. 3 Loko munhu un’wana a dyondzisa dyondzo yin’wana naswona a nga pfumelelani ni xileriso lexi pfunaka,+ lexi humaka eka Hosi ya hina Yesu Kreste kumbe dyondzo leyi fambisanaka ni ku tinyiketela eka Xikwembu,+ 4 wa tikukumuxa naswona a nga twisisi nchumu.+ U rhandza ku kanetana ni ku phikizana ni van’wana hi marito.+ Swilo leswi swi vanga mavondzo, madzolonga, nhlambha, ku lumbetana, 5 ku tshamela ku holova hi swilo leswi nga nyawuriki ka vanhu lava nga ni mianakanyo leyi thyakeke+ ni lava nga ha wu twisisiki ntiyiso, va ehleketa leswaku ku tinyiketela eka Xikwembu i ndlela yo kuma swo karhi.+ 6 Kahlekahle ku tinyiketela eka Xikwembu+ swin’we ni ku eneriseka swa vuyerisa swinene. 7 Hikuva a hi tanga na nchumu emisaveni naswona a hi nge fambi na nchumu.+ 8 Kutani, loko hi ri ni swakudya ni swiambalo* hi ta eneriseka hi swilo leswi.+
9 Kambe lava tiyimiseleke ku fuwa va wela endzingweni ni le ntlhan’wini+ ni le ku naveleni ko tala ka vuphukuphuku loku va vavisaka naswona swi va vangela maxangu ni rifu.+ 10 Hikuva ku rhandza mali i rimitsu ra mixaka hinkwayo ya swilo swo biha. Van’wana va hambukisiwile eripfumelweni naswona va titlhave hinkwako hi switlhavi swo tala hikwalaho ka ku rhandza mali.+
11 Hambiswiritano, loko ku ri wena munhu wa Xikwembu, balekela swilo leswi. Kambe tikarhatele ku va ni ku lulama, ku tinyiketela eka Xikwembu, ripfumelo, rirhandzu, ku tiyisela ni moya wo rhula.+ 12 Lwana nyimpi leyinene ya ripfumelo; khomelela swinene evuton’wini lebyi nga heriki lebyi u vitaneriweke byona ni lebyi u nyikeleke vumbhoni lebyinene emahlweni ka vanhu vo tala ha byona.
13 Ndza ku lerisa emahlweni ka Xikwembu lexi hlayisaka swilo hinkwaswo swi hanya, ni le mahlweni ka Kreste Yesu loyi a nyikeleke vumbhoni lebyinene emahlweni ka Pontiyo Pilato,+ 14 leswaku u hlayisa xileriso hi ndlela leyi tengeke ni leyi nga riki na xisolo ku fikela loko ku humelela Hosi ya hina Yesu Kreste,+ 15 laha Mulawurinkulu loyi a tsakeke ni loyi a nga yexe a nga ta kombisa ku humelela loku hi mikarhi ya kona leyi vekiweke. I Hosi ya lava nga tihosi ni Mufumi wa lava nga vafumi,+ 16 loyi ku nga yena ntsena a nga fiki,+ loyi a tshamaka eku vonakaleni loku nga tshinelelekiki,+ loyi ku nga riki na munhu loyi a n’wi voneke kumbe a nga n’wi vonaka.+ Ku xiximiwa ni matimba lama nga heriki a swi ve swa yena. Amen.
17 Lerisa lava fuweke enkarhini wa sweswi leswaku va nga tikurisi naswona va nga tshembi rifuwo leri helaka,+ kambe a va tshembe Xikwembu lexi hi nyikaka swilo hinkwaswo leswi hi tiphinaka ha swona.+ 18 Va byele leswaku va endla swilo leswinene, va endla mitirho yo tala leyinene, va hanana, va tiyimisela ku avelana ni van’wana,+ 19 loko va endla tano swi ta fana ni loko va tihlengeletela rifuwo leri humaka eka Xikwembu. Va ta va va tivekela masungulo lamanene ya nkarhi lowu taka,+ leswaku va ta khomelela swinene evuton’wini bya xiviri.+
20 Timotiya, hlayisa leswi u khomisiweke swona,+ u fularhela mavulavulelo lama nga pfuniki nchumu lama lwisanaka ni swilo swo kwetsima ni vutivi bya mavunwa lebyi vangaka mavulavulelo lama lwisanaka ni leswi nga ntiyiso.+ 21 Van’wana va hambukile eripfumelweni hi ku bombisa vutivi byo tano.
Onge musa lowukulu wu nga va na wena.