Habakuku
3 Xikhongelo xa muprofeta Habakuku hi tinsimu ta xirilo:
2 Yehovha Xikwembu xanga, ndzi xi twile xiviko mayelana na wena.
Yehovha, ndza yi xixima mitirho ya wena.
Tlhela u yi endla hi ku famba ka malembe!*
Yi endle yi tiviwa hi ku famba ka malembe.*
Onge u nga tsundzuka ku va ni tintswalo hi nkarhi wa mpfilumpfilu.+
Vukulu bya xona byi funengete matilo;+
Misava yi tele hi vanhu lava xi dzunisaka.
4 Ku vangama ka xona a ku fana ni ku vonakala.+
Miseve yimbirhi a yi tlhava yi huma evokweni ra xona,
Laha matimba ya xona a ma tumbetiwe kona.
6 Xi yimile xi ninginisa misava.+
Hi ku languta kunene, xi endle leswaku matiko ma rhurhumela hi ku chava.+
Tintshava leti a ti ri kona ku sukela khale ti hirimuxiwile,
Swintshabyana swa khale swi khinsamile.+
Xi famba etindleleni ta xona ta khale.
7 Ndzi vone khombo ematendeni ya Kuxani.
Malapi ya tende ya tiko ra Midiyani ma pewukapewuka.+
8 Yehovha Xikwembu xanga, xana u karihele milambu?
Kumbe u hlundzukele lwandle?+
Hikuva u gade tihanci ta wena;+
Makalichi ya wena ma hlurile.+
Tinhonga* ti yimela ku endla ntirho hi ku landza xitshembiso.* (Selah)
U ava misava hi milambu.
10 Loko tintshava ti ku vona ta konya hi ku twa ku vava.+
Mpfula ya matimba yi khukhurile etikweni.
Mati ya xidziva ma hobomulana.+
Magandlati ya wona ma ya ehenhla.
11 Dyambu ni n’weti swi yimile laha swi tshamaka kona.+
Miseve ya wena a yi huma ku fana ni ku vonakala.+
Tlhari ra wena a ri hatima ku fana ni rihati.
12 A wu fambafamba emisaveni u karihile.
U kandziyele* matiko hi vukarhi.
13 U humile ku ya ponisa vanhu va wena, ku ponisa muhlawuriwa wa wena.
U pyanye murhangeri* wa yindlu ya lavo homboloka.
Yi yimburiwile ku sukela emasungulweni ya yona ku ya fika ehenhla.* (Selah)
A ti tsake swinene hi ku lovisa loyi a xanisekaka ti nga voniwi hi munhu.
15 U tsemakanye lwandle hi tihanci ta wena,
Exikarhi ka magandlati lamakulu.
Marhambu ya mina ma hele matimba;+
Milenge ya mina a yi rhurhumela.
Kambe ndzi rindza siku ra khombo ndzi rhurile,+
Hikuva ri tela vanhu lava hi hlaselaka.
17 Hambiloko nkuwa wu nga rhumbuki,
Ni mirhi ya madiriva yi nga humesi mihandzu;
Hambiloko mutlhwari wu nga humesi mihandzu,
Ni masimu ma nga humesi swakudya;
Hambiloko etshangeni ku nga ha ri na ntlhambi wa tinyimpfu,
Ni le swivaleni ku nga ha ri na ntlhambi wa tihomu;
18 Kambe loko ku ri mina, ndzi ta khana hikwalaho ka Yehovha;
Ndzi ta tsaka hikwalaho ka Xikwembu xa mina lexi ndzi ponisaka.+
19 Yehovha Hosi Leyi Tlakukeke, i ntamu wa mina;+
U ta endla milenge ya mina yi fana ni ya mhunti,
A ndzi endla ndzi famba etindhawini leti tlakukeke.+
Eka mufambisi wa vuyimbeleri; hi swichayachayana swa mina.