Samuwele Wo Sungula

18 Hi ku hatlisa loko Davhida a heta ku vulavula na Sawulo, Yonathani+ na Davhida va va vanghana lavakulu, lerova Yonathani a sungula ku rhandza Davhida hi ndlela leyi a a tirhandza ha yona.+ 2 Ku sukela esikwini rero, Sawulo u tshame na Davhida, a nga n’wi pfumeleli ku tlhelela endlwini ya tata wakwe.+ 3 Hiloko Yonathani na Davhida va endla ntwanano,+ hikuva a a n’wi rhandza hi ndlela leyi a a tirhandza ha yona.+ 4 Yonathani a hluvula xiambalo xakwe xo pfumala mavoko lexi a a xi ambarile a xi nyika Davhida ku katsa ni swiambalo swakwe swa nyimpi, banga, vurha ni bandhi rakwe. 5 Davhida a sungula ku huma a ya enyimpini, naswona a a hlula+ hinkwako laha Sawulo a a n’wi rhuma kona. Hiloko Sawulo a n’wi endla ndhuna ya masocha+ naswona mhaka leyi yi tsakise vanhu hinkwavo ni malandza ya Sawulo.

6 Loko Davhida ni lavan’wana va vuya hi le ku dlayeni ka Vafilista, vavasati a va huma emitini hinkwayo eIsrayele va ri karhi va yimbelela,+ va cina va hlanganisa Hosi Sawulo, va ri karhi va chaya swingomana+ ni swipendana va tsakile. 7 Vavasati lava a va ri eku chanchuleni, a va yimbelela va ku:

8 Sawulo a hlundzuka swinene,+ naswona risimu leri a ri nga n’wi tsakisi, hikuva u te: “Va nyike Davhida makume ya magidi kambe mina va ndzi nyike magidi ntsena. Ku lo sala leswaku va n’wi nyika ni vuhosi!”+ 9 Ku sukela siku rero, Sawulo a a tshamela ku languta Davhida hi tihlo ro tshwuka.

10 Hi siku leri landzelaka, moya wo biha lowu humaka eka Xikwembu wu hlasela Sawulo+ kutani a sungula ku endla swilo leswi nga tolovelekangiki endlwini yakwe, hi nkarhi wolowo Davhida a a ri eku tlangeni ka vuyimbeleri hi haripa+ ku fana ni masiku. Sawulo a a khome tlhari,+ 11 hiloko a hoxa tlhari,+ a ri karhi a tibyela a ku: ‘Ndzi ta tlhava Davhida ndzi n’wi patsa ni khumbi!’ Kambe Davhida a vhika tlhari kambirhi. 12 Sawulo a a chava Davhida hikuva Yehovha a a ri na yena,+ kambe a a sukile eka Sawulo.+ 13 Hiloko Sawulo a susa Davhida endlwini yakwe a n’wi endla ndhuna ya masocha ya 1 000, xisweswo Davhida a a rhangela masocha loko ma ya enyimpini.+ 14 Davhida a ya emahlweni a humelela+ eka hinkwaswo leswi a a swi endla hikuva Yehovha a a ri na yena.+ 15 Loko Sawulo a vona leswaku Davhida a swi n’wi fambela kahle, a sungula ku n’wi chava. 16 Kambe vanhu hinkwavo va Israyele ni va Yuda a va n’wi rhandza Davhida, hikuva a a va rhangela loko va ya enyimpini.

17 Endzhakunyana Sawulo a byela Davhida a ku: “Hi loyi Meraba,+ n’wana wa mina wa nhwanyana lonkulu. Ndzi ta ku nyika yena leswaku a va nsati wa wena.+ Kambe u fanele u ya emahlweni u ndzi komba leswaku u nhenha, hi ku lwa tinyimpi ta Yehovha.”+ Embilwini Sawulo a a ku: ‘A ndzi lavi ku n’wi dlaya hi voko ra mina, kambe a a dlayiwe hi Vafilista.’+ 18 Hiloko Davhida a byela Sawulo a ku: “Ndzo va mani mina, naswona maxaka ya mina ni ndyangu wa tatana i vamani eIsrayele lerova ndzi nga va mukon’wana wa hosi?”+ 19 Hambiswiritano, hi nkarhi lowu Meraba a a fanele a nyikiwa Davhida, se a a nyikiwe Adriyele+ wa le Mehola* leswaku a va nsati wakwe.

20 Hi nkarhi wolowo Mikala+ n’wana wa Sawulo a a rhandzana na Davhida, hiloko va byela Sawulo naswona mhaka leyi yi n’wi tsakisile. 21 Kutani Sawulo a ku: “Ndzi ta n’wi nyika yena leswaku ndzi n’wi rhiya, kutani Vafilista va ta n’wi dlaya.”+ Hiloko Sawulo a byela Davhida ra vumbirhi a ku: “U ta va mukon’wana wa mina namuntlha.” 22 Ku tlula kwalaho, Sawulo a lerisa malandza yakwe a ku: “Vulavulani na Davhida exihundleni mi ku, ‘Yingisa! Hosi ya ku tsakela ni malandza ya yona hinkwawo ma ku rhandza. Kutani sweswi pfumela ku va mukon’wana wa hosi.’” 23 Loko malandza ya Sawulo ma byela Davhida mhaka leyi, a ku: “Xana mi ehleketa leswaku i matlangwana ku va mukon’wana wa hosi ndzi ri karhi ndzi ri wanuna la nga xisiwana, loyi a languteriwaka ehansi?”+ 24 Hiloko malandza ya Sawulo ma ya n’wi vikela ma ku: “Hi leswi, leswi Davhida a swi vuleke.”

25 Kutani Sawulo a ku: “Fambani mi ya byela Davhida mi ku, ‘Hosi a yi lavi mali ya ndzovolo+ kambe yi lava minsuvu* ya 100+ ya Vafilista, leswaku yi tirihisela eka valala va yona.’” Kambe Sawulo a a bohe kungu ra leswaku Davhida a dlayiwa hi Vafilista. 26 Kutani malandza ya yena ma ya vikela Davhida mhaka leyi naswona Davhida a swi n’wi khoma kahle ku va mukon’wana wa hosi.+ Ku nga si fika nkarhi lowu vekiweke, 27 Davhida a famba ni vavanuna vakwe va ya dlaya vavanuna va Vafilista va 200, a tisa minsuvu* ya vona hinkwayo eka hosi leswaku a ta va mukon’wana wa hosi. Hikwalaho, Sawulo a n’wi nyika Mikala n’wana wakwe a va nsati wa yena.+ 28 Sawulo a swi xiya leswaku Yehovha a a ri na Davhida+ nileswaku Mikala n’wana wakwe a a n’wi rhandza.+ 29 Leswi swi endle leswaku Sawulo a ya a chava Davhida, kutani Sawulo a va nala wa Davhida vutomi byakwe hinkwabyo.+

30 Tihosana ta Vafilista a ti huma ti ya enyimpini, kambe nkarhi ni nkarhi loko ti lwa na Davhida, a a ti hlula ku tlula malandza hinkwawo ya Sawulo;+ kutani vito rakwe ri duma swinene.+