Vaheveru
13 Yanani emahlweni mi rhandzana tanihi vamakwavo.+ 2 Mi nga rivali ku va ni malwandla,*+ hikuva hikwalaho ka wona van’wana va amukele tintsumi va nga swi tivi.+ 3 Tsundzukani lava nga ekhotsweni*+ onge hiloko mi khotsiwe na vona+ ni lava xanisiwaka, tanihi leswi na n’wina ma ha hanyaka emisaveni. 4 Vukati a byi xiximeke eka vanhu hinkwavo naswona a byi fanelanga byi nyamisiwa,+ hikuva Xikwembu xi ta avanyisa vanhu lava tikhomaka ku biha hi swa masangu* ni vaoswi.+ 5 Mi nga rhandzi mali,+ kambe enerisekani hi swilo leswi mi nga na swona.+ Hikuva xi te: “Ndzi nga ka ndzi nga ku tshiki naswona ndzi nga ka ndzi nga ku fularheli.”+ 6 Leswaku hi ta va ni xivindzi xo vula hi ku: “Yehovha* i mupfuni wa mina; a ndzi nge chavi. Xana munhu a nga ndzi endla yini?”+
7 Tsundzukani lava rhangelaka exikarhi ka n’wina,+ lava mi byeleke rito ra Xikwembu naswona loko mi ri karhi mi xiyisisa vuyelo lebyinene bya ku tikhoma ka vona, tekelelani ripfumelo ra vona.+
8 Yesu Kreste wa ha ri yena wa tolo ni namuntlha ni hilaha ku nga heriki.
9 Mi nga hambukisiwi hi tidyondzo to hambanahambana ni leti nga tivikaniki, hikuva swa antswa ku va mbilu yi tiyisiwa hi musa lowukulu ku ri ni swakudya,* leswi nga va pfuniki nchumu lava swi landzelaka.+
10 Hi ni altari leyi lava endlaka ntirho wo kwetsima etabernakeleni* va nga riki na mfanelo yo dyela eka yona.+ 11 Hikuva mitsumbu ya swiharhi leswi ngati ya swona yi yisiwaka endhawini yo kwetsima hi muprista lonkulu tanihi gandzelo ra xidyoho, yi hiseriwa ehandle ka nxaxa.+ 12 Hikwalaho, Yesu na yena u xanisekile ehandle ka gede ya muti+ leswaku a kwetsimisa vanhu hi ngati yakwe.+ 13 Kutani a hi yeni eka yena ehandle ka nxaxa, hi rhwale ndzhukano lowu a wu rhwaleke,+ 14 hikuva laha a hi na wona muti lowu nga ta tshama hilaha ku nga heriki, kambe hi wu langutele hi mbilu hinkwayo muti lowu nga ta ta.+ 15 A hi nyikeleni Xikwembu gandzelo ra ku dzunisa nkarhi hinkwawo ha Kreste,+ ku nga marito lama humaka emilon’wini ya hina+ lawa hi twarisaka vito ra xona ha wona.+ 16 Ku tlula kwalaho, mi nga rivali ku endla swilo leswinene ni ku avela van’wana swilo leswi mi nga na swona,+ hikuva Xikwembu xi tsakisiwa ngopfu hi magandzelo yo tano.+
17 Yingisani lava rhangelaka exikarhi ka n’wina+ naswona mi titsongahata,+ hikuva va mi khathalela tanihi leswi va nga ta tihlamulela,+ leswaku va endla leswi hi ntsako ku nga ri hi ku vilela, hikuva leswi swi nga mi vavisa.
18 Yanani emahlweni mi hi khongelela hikuva ha tshemba leswaku hi ni ripfalo ro tshembeka,* hileswi hi navelaka ku tikhoma hi ku tshembeka eka swilo hinkwaswo.+ 19 Kambe ngopfungopfu ndzi mi kombela leswaku mi khongela, leswaku ndzi ta tlhelela eka n’wina hi ku hatlisa.
20 Sweswi onge Xikwembu xa ku rhula, lexi pfuxeke murisi lonkulu+ wa tinyimpfu eka lava feke, ku nga Hosi ya hina Yesu, hi ngati ya ntwanano wa hilaha ku nga heriki, 21 xi nga mi nyika xilo xin’wana ni xin’wana lexinene leswaku mi endla ku rhandza ka xona, xi tirhisa Yesu Kreste eka hina ku endla leswi tsakisaka swinene emahlweni ka xona, ku vangama a ku ve eka xona hilaha ku nga heriki. Amen.
22 Sweswi ndza mi kombela vamakwerhu, leswaku mi yingisa rito leri ra xikhutazo mi nga heli mbilu, hikuva ndzi mi tsalele papila ro koma. 23 Ndzi mi tivisa leswaku makwerhu Timotiya u tshunxiwile. Loko o hatla a fika, hi ta ta swin’we hi ta mi vona.
24 Ndzi runguleleni hinkwavo lava rhangelaka exikarhi ka n’wina ni vakwetsimi hinkwavo. Vamakwerhu lava nga eItaliya+ va mi rungula.
25 Musa lowukulu wa Xikwembu a wu ve na n’wina hinkwenu.