Tipisalema

77 Ndzi ta huwelela Xikwembu;

Ndzi ta huwelela Xikwembu naswona xi ta ndzi twa.+

 3 Ndza konya loko ndzi tsundzuka Xikwembu;+

Ndza karhateka naswona a ndzi na matimba.+ (Selah)

 4 U khoma tinxiyi ta mina ti tshama ti pfulekile;

Ndza karhateka naswona ndzi tsandzeka no vulavula.

 5 Ndzi anakanya hi masiku ya khale,+

Malembe ya khale ka khaleni.

 6 Ndzi tsundzuka risimu* ra mina nivusiku;+

Ndza anakanyisisa;+

Ndzi lavisisa hi vukheta.

 9 Xana Xikwembu xi rivale ku va ni musa,+

Kumbe, xana ku hlundzuka ka xona ku endle leswaku xi nga ha vi na tintswalo? (Selah)

11 Ndzi ta tsundzuka mitirho ya Yehovha;

Ndzi ta tsundzuka mitirho ya wena yo hlamarisa ya khale swinene.

12 Ndzi ta anakanyisisa hi mitirho ya wena hinkwayo

Ndzi ehleketisisa hi swiendlo swa wena.+

15 U ponise vanhu va wena hi matimba* ya wena,+

Vana va Yakobo ni va Yosefa. (Selah)

16 Mati ma ku vonile, wena Xikwembu;

Mati ma ku vonile kutani ma pfindluka.+

Matsefu lama bohaneke ma dumile,

Naswona miseve ya wena ya rihati yi ye hala ni hala.+

18 Mpfumawulo wa ku dzindza+ ka wena a wu fana ni mavhilwa ya golonyi;

Rihati ri voninge misava;*+

Misava yi ninginikile ni ku tsekatseka.+

19 Ndlela ya wena a yi ri exikarhi ka lwandle,+

Gondzo ra wena a ri ri exikarhi ka mati yo tala;

Kambe mikondzo ya wena a yi nga vonaki.

20 U rhangele vanhu va wena ku fana ni ntlhambi,+

Hi ku tirhisa* Muxe na Aroni.+