Vakorinto Wa Vumbirhi
2 Hikuva ndzi endle xiboho xo ka ndzi nga ha mi tiseli timhaka leti nga ta mi vangela gome loko ndzi tlhela ndzi ta eka n’wina. 2 Hikuva loko ndzi mi vangela gome, i mani loyi a nga ta ndzi chavelela loko ku nga ri loyi ndzi n’wi vangeleke gome? 3 Ndzi tsale swilo leswi, leswaku loko ndzi ta ndzi nga vi ni gome hikwalaho ka n’wina kambe ndzi tsaka, hikuva ndza tiyiseka leswaku leswi ndzi tsakisaka swa mi tsakisa na n’wina hinkwenu. 4 Hikuva ndzi mi tsalele ndzi ri karhi ndzi twa ku vava ngopfu ndzi tshoveke mbilu naswona ndzi ri karhi ndzi rila, ku nga ri leswaku ndzi ta mi vangela gome+ kambe leswaku mi swi tiva leswaku ndzi mi rhandza ngopfu.
5 Loko munhu a vange gome,+ a nga ri vangelanga mina, u vangele n’wina hinkwenu kambe a ndzi lavi ku vula swo tala hi mhaka leyi. 6 Ndzayo leyi, leyi nyikeriweke hi vo tala va n’wina yi enele eka munhu wo tano; 7 kutani mi fanele mi n’wi rivalela hi musa mi tlhela mi n’wi chavelela,+ leswaku a nga hluriwi hi gome lerikulu.+ 8 Hikwalaho ndza mi khutaza leswaku mi n’wi kombisa rirhandzu.+ 9 Hi yona mhaka leyi ndzi mi tsaleleke papila: ku tiva loko mi ta swi kombisa leswaku mi yingisa eka swilo hinkwaswo. 10 Loko mi rivalela un’wana, na mina ndza n’wi rivalela. Lexi ndzi mi rivaleleke xona loko xi ri kona, ndzi endlele n’wina hikwalaho ka Kreste, 11 leswaku hi nga tlhariheriwi* hi Sathana,+ hikuva ha ma tiva makungu* yakwe.+
12 Loko ndzi fika eTrowasi+ eriendzweni ra mina ro chumayela mahungu lamanene hi ta Kreste, a ndzi pfulekeriwe hi ndlela yo endla tano entirhweni wa Hosi, 13 a ndzi tshamela ku vilela hileswi ndzi nga n’wi kumangiki Tito+ makwerhu. Kutani ndzi va lerile ndzi hundzela eMakedoniya.+
14 Kambe a ku khensiwe Xikwembu lexi mikarhi hinkwayo xi hi rhangelaka hi ri na Kreste, hi macha ku fana ni masocha lama vuyaka enyimpini ma hlurile. Xi tirhisa hina ku tivisa van’wana vutivi bya xona. Vutivi lebyi byi hangalaka hinkwako ku fana ni nun’hwelo wo nandziha! 15 Hikuva eka Xikwembu hi nun’hwelo wo nandziha wa Kreste exikarhi ka lava ponisiwaka ni le xikarhi ka lava lovaka; 16 eka lava lovaka hi nun’hwelo lowu humaka eku feni wu ya eku feni,+ eka lava ponisiwaka hi nun’hwelo lowu humaka evuton’wini wu ya evuton’wini. Naswona i mani loyi a wu fanelekelaka kahle ntirho lowu? 17 Hina ha faneleka, hikuva a hi vaxavisi va rito ra Xikwembu+ hilaha vanhu vo tala va endlaka hakona, kambe leswi hi swi vulaka swa tshembeka hikuva hi rhumiwe hi Xikwembu, hi voniwa hi Xikwembu hi ri swin’we na Kreste.