Swivuriso
16 Munhu u hlela mianakanyo ya mbilu yakwe leswaku a vulavula,
2 Tindlela hinkwato ta munhu ti vonaka ti lulamile* eka yena,+
Kambe Yehovha u kambisisa swikongomelo swa munhu.+
3 Titshege hi Yehovha eka swilo hinkwaswo leswi u swi endlaka,*+
Kutani makungu ya wena ma ta humelela.
4 Yehovha u endle swilo hinkwaswo hikwalaho ka xikongomelo xakwe,
Hambi ku ri lavo homboloka u va vekele siku ra khombo.+
5 Un’wana ni un’wana loyi a tikurisaka embilwini wa n’wi nyenyetsa Yehovha.+
Tiyiseka leswaku a nge tshikiwi a nga xupuriwi.
6 Xihoxo xa rivaleriwa hikwalaho ko kombisa rirhandzu ni ku tshembeka,+
Munhu u fularhela leswo biha hikwalaho ko chava Yehovha.+
7 Loko Yehovha a tsakisiwa hi tindlela ta munhu,
U endla nileswaku valala vakwe va va ni ku rhula na yena.+
8 Swa antswa ku va ni swilo switsongo kambe u tshembeka+
Ku ri ni ku va ni muholo wo tala kambe u nga tshembeki.+
10 Xiboho lexi humaka eka Xikwembu xi fanele xi va emilon’wini ya hosi;+
Yi nga tshuki yi avanyisa hi ndlela yo homboloka.+
11 Swipimo ni swikalo swo tshembeka swi huma eka Yehovha;
Swilo hinkwaswo swo pima leswi nga enkwameni swi endliwe hi yena.+
13 Mavulavulelo lamanene ma tsakisa tihosi.
Ti rhandza munhu loyi a vulavulaka ntiyiso.+
15 Loko hosi yi kombisa munhu tintswalo, munhu yoloye u ta va ni vutomi byo tsakisa;
Tintswalo ta yona ti fana ni papa ra mpfula hi ximun’wana.+
16 Swa antswa ku kuma vutlhari ku ri ni nsuku!+
Ku fanele ku hlawuriwa ku kuma ku twisisa ku ri ni silivhere.+
17 Lavo lulama va papalata ndlela yo biha.
Loyi a sirhelelaka ndlela yakwe u ponisa vutomi byakwe.+
19 Swa antswa ku titsongahata* exikarhi ka vanhu vo rhula+
Ku ri ni ku avelana leswi phangiweke ni lava tikurisaka.
20 Loyi a twisisaka mhaka swi ta n’wi fambela kahle,
Naswona wa tsaka loyi a tshembaka Yehovha.
21 Loyi a nga ni mbilu yo tlhariha u ta vuriwa loyi a nga ni ku twisisa,+
Loyi a nga ni mavulavulelo lamanene* u engetela ku khorwiseka.+
22 Ku twisisa i xihlovo xa vutomi eka lava va nga na kona,
Kambe swiphukuphuku swi tshinyiwa hi vuphukuphuku bya swona.
23 Mbilu ya lowo tlhariha yi endla leswaku nomu wakwe wu va ni ku twisisa+
Naswona yi endla leswaku leswi a swi vulaka swi khorwisa.
27 Munhu loyi a nga pfuniki nchumu u cela swilo swo biha;+
Leswi a swi vulaka swi fana ni ndzilo lowu vavulaka.+
29 Munhu wa madzolonga u kucetela munhukulobye
Naswona u n’wi yisa endleleni leyi hoxeke.
30 U tsopeta tihlo loko a kunguhata khombo.
U luma milomu yakwe loko a ri karhi a endla swilo swo biha.