Lisimu
95 Tanani, a hi mu beleni mikulungwani Jehovha!
A hi kanyulukeni hi giyagiyela a Ribye ga kuhanyiswa ka hina.+
2 A hi yeni mahlweni kakwe na hi bonga;+
A hi yimbeleleni, hi kanyuluka hi mu giyela.
3 Hakuva Jehovha i Nungungulu wa hombe,
I Hosi ya hombe hehla ka vanungungulu vontlhe lava van’wani.+
4 A kueta ka misava ku lomu canjeni gakwe;
Ni zvixungwa zva zvitsunga zvi lumba yena.+
6 Tanani hi ta khozela ni ku khizama;
A hi khizameni mahlweni ka Jehovha, a Mumahi wa hina.+
7 Hakuva yena i Nungungulu wa hina,
Hina hi vanhu va wuriselo gakwe,
Nyamutlha loku muzwa a gezu gakwe,+
8 Mu nga nonohisi a timbilu ta n’wina a ku khwatsi hi le Meribha,*+
A ku khwatsi hi sikwini ga Masa* le ciwuleni,+
9 A cikhati leci a vakokwani va n’wina va nga ndzi ringa.+
Va ndzi ringile hambu lezvi va nga wonile a mitiro ya mina.+
10 Hi 40 wa malembe, ndzi no venga a cizukulwana leco, ndziku:
“Vanhu va tshamelako ku lahleka timbilwini tabye;
A va zangi va tiva a tindlela ta mina.”
11 Hikwalaho, ndzi no hlambanya zangeni ya mina, ndziku:
“Va nga ta nghena kuhumuleni ka mina.”+