Papilo go sangula ka Va Le Korinte

13 Loku ndzi wulawula tirimi ta vanhu ni ta tingilozi kanilezvi na ndzi nga hi na lirandzo, ndzi fana ni simbi yi vhumako kutani nyangende* a ngelengetako. 2 Ni loku ndzi hi ni cinyikiwo ca ku phrofeta ni ku zwisisa a zvihundla zvontlhe zvo basa, ni wutivi gontlhe,+ ni loku ndzi hi ni kukholwa kontlhe laha ka kuza ndzi kunula* ni zvitsunga, kanilezvi na ndzi nga hi na lirandzo, a ndzi nchumu.*+ 3 Ni loku ndzi nyikela zvontlhe lezvi ndzi nga nazvo kasi ku gisa van’wani,+ ni loku ndzi nyikela miri wa mina hi ku fela ku ti dzundza, kanilezvi na ndzi nga hi na lirandzo,+ a ndzi bhindzuli nchumu.

4 A lirandzo+ li na ni lihlazva-mbilu+ niku li nene.+ A lirandzo a li na ciluse.+ A li na matshandza, a li ti kukumukisi,+ 5 a li mahi lezvi zvi nga faneliko,*+ a li ti laveli zva lona,+ a li hatliseli ku zangara.+ A li hlayeli a zvilo zva kubiha lezvi li mahelwako.+ 6 A li tsaki hi lezvi zvi nga lulamangiko,+ kanilezvi li tsaka hi lisine. 7 Li rwala zvilo zvontlhe,+ li kholwa zvilo zvontlhe,+ li tsumba zvilo zvontlhe,+ li timisela zvilo zvontlhe.+

8 A lirandzo a li tshuki li mbhela.* Kanilezvi loku ku hi ni zvinyikiwo zva ku phrofeta, zvi ta fuvisiwa; loku ku hi ni tirimi,* ti ta gumesa; loku ku hi ni wutivi, gi ta fuvisiwa. 9 Hakuva hi ni wutivi ga khihlanya,+ niku hi phrofeta khihlanya, 10 kanilezvi a cikhati leci ku tota lezvi zvo mbhelela, lezvi zva khihlanya zvi ta fuvisiwa. 11 Na ndza ha hi n’wanana, ndzi wa wulawula kota n’wanana, ndzi alakanya kota n’wanana, ndzi pimisa kota n’wanana; kanilezvi lezvi ndzi nga wanuna, ndzi tsikile mitiro ya wun’wanana. 12 Hakuva zvezvi hi wona zvo firimela* hi woni* ga simbi, kanilezvi andzhako ka cikhati ku tava nghohe ni nghohe. Zvezvi ndzi tiva khihlanya, kanilezvi andzhako ka cikhati ndzi ta tiva hi kumbhelela a ku fana ni lezvi ndzi tiviwako hi kumbhelela. 13 Hambulezvo, zvezvi ku simama lezvi zva zvinharu: a kukholwa, ni kutsumba, ni lirandzo; kanilezvi a ca hombe ka zvona lirandzo.+