Hi kutsala ka Marku

3 Ka khati gin’wani, i no nghena sinagogeni, a kuma wanuna wa canja go limala.+ 2 Hikwalaho, va wa mu cuwukela khwatsi kasi ku wona lezvaku i ta hanyisa wanuna loye hi sabhadho ke, kasi va fela ku mu nyika nandzu. 3 I no byela wanuna loye wa canja go limala, aku: “Suka uta laha cikari.” 4 Hi kulandzela, i no va wutisa aku: “Zva vhumelelwa hi nayo a ku maha zvazvinene kutani zvakubiha hi sabhadho, a ku ponisa wutomi* kutani ku daya ke?”+ Kanilezvi a va mu hlamulangi. 5 Andzhako ka loku a va cuwukile na a swirekile ni ku bayiseka nguvhu hi kota ya kutlanyala ka timbilu tabye,+ i no byela wanuna loye, aku: “Tshambuluta canja ga wena.” I no gi tshambuluta, a canja gakwe gi se hanya. 6 Hi kota ya lezvo, a vaFarisi va no huma va ya tekela ku tlhangana ni valandzeli va Herodhi+ va xuxa cikungo kasi ku mu daya.

7 Kanilezvi Jesu i no suka aya bimbini ni vapizani vakwe. A citshungu ca hombe ca le Galileya ni le Judhiya ci no mu landzela.+ 8 Hambu hi le Jerusalema ni le Idhumeya ni le tlhatuko wa Jordhani ni le matlhelweni ya Tire ni Sidhoni, ku nota citshungu ca hombe kakwe laha ci ngazwa zvilo zvo tala lezvi a nga kari a maha. 9 I no byela vapizani vakwe lezvaku va mu longiselela cingalavana kasi a nga manyiwi hi citshungu. 10 Hi kota ya lezvi a nga hanyisa votala, vontlhe lava va nga hi ni mababyi ya hombe va wo tlimbana lomu matlhelweni yakwe na va lava ku mu henya.+ 11 Hambu ni mimoya ya kubiha,+ khati ni khati yi nga ku mu cu, yi wowa mahlweni kakwe, yi banguleka, yiku: “Wena u N’wana wa Nungungulu.”+ 12 Kanilezvi a makhati yo tala i no yi laya nguvhu lezvaku yi nga mu tivekisi.+

13 I no kandziha citsungeni a vitana lava a nga va lava,+ vata kakwe.+ 14 I no wumba* ntlawa wa 12 wa vanhu a va chula ku vapostoli, ku nga lava va nga wa ta fambafamba naye, ni ku va ruma va ya chumayela 15 va tlhela vava ni ntamu wa ku hlongola madhimoni.+

16 A ntlawa lowu wa 12+ a nga wu yimisa wu wa wumbiwa hi Simoni, loyi a nga mu chula ku hi Pedro,+ 17 na Jakobe a n’wana wa Zebhedhi, na Johani a makabye wa Jakobe (lava vonawu i no va chula vito gaku vaBhowanerje, zvi wulako ku: “Vana va Kudzindza”),+ 18 na Andrewu, na Filipu, na Bhartolomewu, na Matewu, na Tomasi, na Jakobe a n’wana wa Alfewu, na Tadhewu, na Simoni a muKhanani,* 19 na Judhasi Iskariyoti, loyi a nga gumesa a mu tokometa.

I no gumesa a nghena ndlwini, 20 niku a citshungu ci no ta talelana kambe, laha ka kuza va vhumala ni cikhati ca kuga zvakuga. 21 Kanilezvi a cikhati leci a maxaka yakwe ma ngazwa lezvo, ma no huma ku ya mu khoma, hakuva ma waku: “Wa hlanya.”+ 22 Ni vatsali lava va nga relele hi Jerusalema va waku: “I tira hi Bhelzebhubha* niku i hlongola madhimoni hi ntamu wa hosi ya madhimoni.”+ 23 Hikwalaho, andzhako ka loku a va vitanile vata kakwe i no wulawula navo hi mifananiso, aku: “Sathani a nga zvi kotisa kuyini ku hlongola Sathani ke? 24 Loku a mufumo wu ti pandza ha woce wu ti vhukela, a mufumo lowo wu nga ta yima,+ 25 ni loku a muti wu ti pandza wu ti vhukela, a muti lowo wu nga ta yima. 26 Loku Sathani yenawu a ti vhukela, a tlhela a ti pandza ha yece, a nga ta yima kanilezvi i tawa. 27 A ku na munhu a zvi kotako ku nghena lomu ndlwini ya wanuna wa ntamu a yiva zvilo zvakwe na a nga rangangi hi ku mu bohelela. Loku a mu bohelele hi kona a to zvi kota ku phanga a yindlu yakwe. 28 Ndza tiyisa ka n’wina, ndziku: A vanhu va ta tsetselelwa ka zvilo zvontlhe, hambu loku vo maha zviwonho zva tshamela muni kutani ku wula ni cihi ciruko. 29 Kanilezvi loyi a rukatelako a moya wo basa a nga ta tsetselelwa kala kupindzuka+ kanilezvi i na ni nandzu wa ciwonho ca kala kupindzuka.”+ 30 I wulile lezvo hakuva va waku: “I na ni moya wo biha.”+

31 Makunu a mamani wakwe ni vamakabye vakwe+ va no ta yima le handle va ruma munhu a ya mu vitana.+ 32 Kota lezvi a citshungu ci nga tshamile ci mu randzela, va te ngalo kakwe: “A mamani wa wena ni vamakabye va wena va ku lava le handle.”+ 33 Kanilezvi i no va hlamula, aku: “Kasi himani a mamani wa mina ni vamakabye va mina ke?” 34 I no cuwuka lava va nga tshamile matlhelweni yakwe, aku: “A mamani wa mina ni vamakabye va mina hi lava!+ 35 Ni wihi loyi a mahako kurandza ka Nungungulu, hi yena a nga makabye wa mina ni mamani wa mina.”+