Tsumbeka zvilweni zvontlhe

Hontlheni hi lava kuva ni vanghana va ku tsumbeka. Jehovha yenawu i Iava lezvaku a vanghana vakwe va tsumbeka. Kanilezvi a zvi olovi ku tsumbeka ka tiko legi a votala va kalako va nga tsumbeki. Hi wahi mabhindzu ya kuva vanhu vo tsumbeka zvilweni zvontlhe?

1. Hi cihi cigelo ca hombe nguvhu ca kuva hi tsumbeka?

Loku hi tsumbeka ka van’wani, hi komba ku ha mu randza Jehovha niku ha mu kombisa cichavo. Ehleketa hi lezvi: Jehovha wa zvi tiva zvontlhe hi zvi alakanyako ni lezvi hi mahako. (Mahebheru 4:13) Wa zvi wona loku hi tsumbeka niku zva mu tsakisa. A Mhaka yakwe yi wula lezvi: “Jehovha wa nyenya a mukanganyisi, kanilezvi munghana wa hombe wa lava va lulamileko.” — Mavingu 3:32.

2. Hi nga zvi kombisa kuyini a ku hi vanhu vo tsumbeka siku ni siku?

Jehovha i lava ku hi ‘wulawula lisine ka mun’we ni mun’wani’. (Zakariya 8:16, 17) Lezvo zvi lava ku wula kuyini? Kani hi bhula ni maxaka ya hina, ni lava hi tirako navo, ni vamakabye va hina va maKristu, kutani ni wuhosi a hi hembi kutani ku wula mahungu ma lahlako. A vanhu vo tsumbeka a va yiveli van’wani kutani ku va kanganyisa. (Lera Mavingu 24:28 na Va Le Efesusi 4:28.) Va hakhela a mikhupo yontlhe. (Va Le Roma 13:5-7) Laha hi mahako lezvi ni zvin’wani, hi komba ku ‘hi xuva ku tsumbeka zvilweni zvontlhe’. — Mahebheru 13:18.

3. Hi wahi mabhindzu ya kuva vanhu vo tsumbeka?

Loku hi tiviwa kota vanhu vo tsumbeka, a vanhu van’wani va ta hi tsumba. Lezvo zvi ta maha ku a vamakabye lomu bandleni va tizwa na va tlhatlhekile loku va hi na hina, a ku khwatsi hi loku va hi ni zviro zva ngango wabye, hi tlhela hiva ni livhalo li basileko. A kutsumbeka ka hina, ku ta “sasekisa a gondzo ya Muhanyisi wa hina, Nungungulu” ku tlhela ku koka a van’wani lezvaku va gondza hi Jehovha. — Titusi 2:10.

GONDZA ZVI ETA

4. Loku hi tsumbeka hi ta tsakisa Jehovha

Lerani Lisimu 44:21 na Malaki 3:16, mu gumesa mu bhula hi zviwutiso lezvi:

• Hikuyini u alakanyako ku a hi faneli ku ti byela ku hi nga zvi kota ku mu fihlela zvokari Jehovha?

• U alakanya ku Jehovha i ti zwisa kuyini loku hi wula lisine hambu loku a ku maha lezvo zvi karata?

5. Tsumbeka contlhe cikhati

VHIDHIO: Zvilo zvi nyikako litsako — Livhalo li basileko (2:32)

Lerani Mahebheru 13:18, mu gumesa mu bhula hi lezvi hi nga tsumbekisako zvona . . .

• ngangweni wa hina.

• ntirweni kutani cikoleni.

• ni ka zviyimo zvin’wani.

6. A ku tsumbeka zvi vhuna hina

Ka zvikhati zvin’wani zvi nga wonekisa ku khwatsi a ku tsumbeka zvi nga hi nehela zvikarato. Kanilezvi, contlhe cikhati, zvi nene a kuva vanhu vo tsumbeka. Lerani Lisimu 34:12-16, mu gumesa mu bhula hi ciwutiso leci:

• A. Loku a vanuna ni vasati va tsumbeka zvi maha ku a wukati gabye gi tiya

1. Loku a vatiri va tsumbeka zvi maha ku a vapatrawu vabye va va tsumba

2. Loku a vanhu va tsumbeka lomu va hanyako kona va kuma vito gi nene ka vafumeli

3. A kutsumbeka ku nga gi chukwatisisa kuyini a wutomi ga wena?

LEZVI HI NGA GONDZA

Jehovha i Iava lezvaku a vanghana vakwe va tsumbeka ka zvontlhe lezvi va wulako ni lezvi va mahako.

Zviwutiso zva kuvhuxeta

• Hi tihi tindlela to kari u nga kombisako hi tona ku wa tsumbeka?

• Hikuyini zvi nga hiko wutlhari a ku pimisa ku hi nga fihla lisine?

• Hikuyini u lavako ku tsumbeka contlhe cikhati?

GONDZA ZVIN’WANI

A vapswali va nga va gondzisisa kuyini a vana vabye a kutsumbeka?

U nga hembi (1:44)

Hikuyini zvi nga zva lisima a ku maha lezvi hi tsumbisako?

Tatisa a zvitsumbiso zva wena u amukela makatekwa (9:09)

Wona ku hikuyini hi faneleko ku hakhela mikhupo hambu loku yi nga tirisiwi khwatsi.

“Hi fanele ku hakhela mikhupo?” (A Murindzeli wa 1 ka Setembro wa 2011)

Cini ci kucileko a wanuna wo kari wo kala kutsumbeka a ku cica a wutomi gakwe ava munhu wo tsumbeka?

“Nzi gonzile lezaku Jehova i na ni wuxinji niku wa tsetselela” (A Murindzeli wa 1 ka Maio wa 2015)