MAHANYELA YA WUKRISTU

A ku chumayela ni ku gondzisa zva lisima kasi ku maha vapizani

Jesu i layile a vapizani vakwe a ku famba va maha vapizani. (Mt 28:19) Lezvi zvi patsa ku chumayela ni ku gondzisa. Hontlheni hi fanele ku tshama hi ku ti wutisa lezvi: ‘Ndzi nga chukwatisisa kuyini a matshamela lawa ya lisima ya ntiro wa ku maha vapizani?’

KUCHUMAYELA

Wutshan’wini gaku hi rindzela ku a vanhu vata ka hina, hi fanele ku ti karatela ku hlota lava va “faneleko”. (Mt 10:11) A cikhati hi nga ntirweni wa kuchumayela, ha londzowota ni yihi ndlela yi vhulekako kasi ku wulawula ni vanhu lava hi ‘tlhanganako navo’? (Mit 17:17) Lidhiya i mahile mupizani hi kota ya lezvi mupostoli Pawule a nga hisekela ntiro wa kuchumayela. — Mit 16:13-15.

Samuweli a mu nyikako revhista Ezekiyeli; Solomoni na Mariya va chumayelako Ezekiyeli na Abhigayili — “Byala a mbewu ya wena na ga hi mixo, ni laha gambyeni u nga humuti a woko ga wena” (Mutsh 11:6)

WONA VHIDHYU SIMAMA KU CHUMAYELA U NGA NYIMI — HI CITSUKETI NI HI MUTI NI MUTI, U GUMESA U HLAMULA ZVIWUTISO LEZVI:

Ka mitiro yakwe ya siku ni siku, Samuweli i zvi kombisile kuyini ku i wa ti karatela ku hlota ku byala timbewu ta lisine?
Hikuyini hi faneleko ku simama hi patseka ka tindlela tontlhe ta kuchumayela?
Himani u nga mu bhulelako mahungu ya Mufumo ka mitiro ya wena ya siku ni siku?

KUGONDZISA

Kasi ku maha vapizani, hi fanele ku maha zvo hundza ku va siyela mabhuku vanhu. Kasi hi va vhuna ku kula hi tlhelo ga moya, hi fanele ku maha tiendzo to wuyela ni ku fambisa zvigondzo zva Bhibhiliya. (1 Kor 3:6-9) Kanilezvi, ahati loku a kutikarata ka hina ka ku gondzisa munhu a lisine la Mufumo ku pswala mihandzu yitsongwani ke? (Mt 13:19-22) Hi fanele ku simama hi hlota lava a timbilu tabye ti fanako ni ‘misava yo saseka.’ — Mt 13:23; Mit 13:48.

Solomoni na Mariya va fambisako cigondzo ca Bhibhiliya ka Ezekiyeli na Abigayili; Ezekiyeli na Abigayili va patsekako ka wukustumunyu ga laha kubaseni — ‘Mina ndzi no byala, Apolosi a cheletela mati, kanilezvi hi Nungungulu a nga milisa’ (1 Kor 3:6)

WONA VHIDHYU SIMAMA KU CHUMAYELA U NGA NYIMI — LAHA KUBASENI NI KU MAHA VAPIZANI, U GUMESA U HLAMULA ZVIWUTISO LEZVI:

Solomoni na Mariya va cheletelisile kuyini a mati a timbewu ta lisine ka timbilu ta Ezekiyeli na Abhigayili?
Gi fanele kuva gihi kungo ga hina ka tindlela tontlhe ta ntiro wa kuchumayela, a ku patsa ni wukustumunyu ga laha kubaseni?
Hi nga vekisa kuyini kupima ka ntiro wa hina wa ku gondzisa a lisine a van’wani?