Engetela wutlhari ga wena kuchumayeleni — Vhuna lava ‘a timbilu tabye ti longileko’ ku maha vapizani

HIKUYINI ZVI NGA ZVA LISIMA? Jehovha i maha ku a timbewu ta lisine ti kula timbilwini ta lava va ‘longileko ku kuma wutomini ga pindzukelwa’. (Mit 13:48; 1Ko 3:7) Hi tirisana na Jehovha loku hi ti karatela ku maha zvontlhe hi zvi kotako kasi ku vhuna lava va lavako ku hanya hi lezvi va gondzako. (1Ko 9:26) A zvigondzani zva Bhibhiliya zvi fanele ku zvi tiva lezvaku a ku bhabhatiswa zva lisima kasi zvi hanyiswa. (1Pe 3:21) Hi zvi vhuna ku maha vapizani hi ku zvi gondzisa ku cica zvokari wutomi ga zvona, ku zvi vhuna ku chumayela ni ku gondzisa van’wani ni ku zvi vhuna ku nyikela wutomi ga zvona ka Jehovha. — Mat 28:19, 20.

U NGA ZVI MAHISA KUYINI?

• Alakanyisa zvigondzani zva Bhibhiliya lezvaku a kungo ga kuva u gondza nazvo ku zvi vhuna kuva zvi “tiva” Jehovha ni ku mu tsakisa. — Joh 17:3

• Zvi vhune ku kula hi tlhelo ga moya hi ku hlula zvikarato, zvo kota mahanyela ya hava ni vanghana vo biha

• Na zvi nga se bhabhatisiwa zvi tiyise u tlhela u zvi kuca, niku andzhako ka ku bhabhatiswa simama ku maha lezvo. — Mit 14:22

WONA A VHIDHYU JEHOVHA NUNGUNGULU I TA KU VHUNA, U GUMESA U HLAMULA ZVIWUTISO LEZVI:

• Zvini zvi nga mahako munhu a hlwela kutinyikela ni ku bhabhatisiwa?

• A madhota ma nga zvi vhunisa kuyini a zvigondzani zva Bhibhiliya ku kula hi tlhelo ga moya?

• A bhuku ga Isaya 41:10 gi hi gondzisa yini xungetano hi Jehovha?

• Matshamela muni ma nga hi vhunako ku tirela Jehovha hi ndlela a yi amukelako hambu lezvi hi nga vanhu vo kala kumbhelela?