11 A ku: “A hosi leyi nga ta mi fuma yi ta va ni mfanelo ya ku yendla leswi:+ Yi ta teka vana va n’wina va madjaha+ swaku va fambisa tinyolo*+ ta nyimpi ni ku fambisa makavhalu ya yona,+ van’wani va ta famba hi minenge phambheni ka wona. 12 Yi ta langa varhangeli lava nga ta rhangela 1.000 wa vanhu,+ van’wani va rhangela 50 wa vanhu,+ van’wani va ta rima+ va tlhela va tshovela ka masimu ya yona,+ van’wani va ta yendla matlharhi lawa ma nga ta tirhisiwa anyimpini ni minchumu leyi tirhisiwaka ka tinyolo ta yona.+