9 Tsaka wena jovhem, na wa ha li jovhem, funtshi mbilu ya wena a yi tsake ka masiku ya wujovhem la wena. Landzela mbilu ya wena u ya lani matihlo ya wena ma ku kombaka kona; kambe tiva swaku u ta tihlamulela ka Xikwembu xa ntiyiso ka hinkwaswu leswi u swi yendlaka.+

36 Ni mi byela ntiyiso: Vanhu va ta tihlamulela+ hi Siku la Ku Yavanyisa, hi mhaka ya minchumu hinkwayu leyi va yi vulavulaka leyi kalaka yi nga pfuni nchumu; 37 hikusa mi ta vuliwa va ku lulama hi marito ya n’wina, naswona marito ya n’wina hi wona ma nga ta yendla swaku mi va ni nandzu.”

31 Hikusa xi veke siku leli xi nga ta yavanyisa+ misava hinkwayu hi ku lulama, hi ku tirhisa wanuna lweyi xi nga mu langa; xi kombile vanhu hinkwavu swaku vhela siku lelo li ta ta hi ku pfuxa wanuna yelweyo ku feni.”+

10 Hikusa hinkwerhu hi ta nyima phambheni ka xitshamu xa Kreste xa ku yavanyisa, leswaku mun’wani ni mun’wani a ta hakeliwa hi ku ya hi leswi a nga swi yendla loko a ha li ka muzimbha wa yena, swi nga ha va swaswinene kumbe swa ku biha.+

24 A swidjoho swa vanhu van’wani swi tekela ku voneka kutani va hantla va yavanyisiwa, kambe swa van’wani swi voneka hi ku famba ka nkama.+