20 A va hlamula a ku: “Hi mhaka ya leswi mi nga ni lipfumelo lalitsongo. Hikusa ni mi byela ntiyiso: Loko mi ni lipfumelo la ku ringana ni mbewu ya sinapi,* mi ta byela ntshava leyi mi ku: ‘Suka lani u ya lee!’ Kutani yi ta suka, naswona a xi kona lexi nga ta mi tsandza.”+

23 Ni mi byela ntiyiso: Loko munhu o byela ntshava leyi a ku: ‘Suka u ya tihoxa lwandle’ na a nga kanakani ka mbilu ya yena, kambe a va ni lipfumelo swaku leswi a swi vulaka swi ta yendleka, hikakunene swi ta yendleka.+

6 Kutani Hosi yi ku: “Loko a mi ni lipfumelo la ku ringana ni mbewu ya sinapi,* a mi ta byela nsinya lowu wa timora mi ku: ‘Titsuvuli u ya tibyala lwandle!’ Kutani a wu ta mi yingisa.+

40 Yesu a ku: “Kasi a ni ku byelanga swaku loko u pfumela u ta vona matimba ya Xikwembu?”+

9 Wanuna lweyi, a a tshamile a yingisela Pawulo na a vulavula. Se Pawulo a mu txuvukisisa, a vona swaku wanuna lweyi a a ni lipfumelo funtshi a a tshemba swaku a ta hanyisiwa,+ 10 kutani Pawulo a huwelela a ku: “Sekeleka u nyima hi minenge ya wena.” Se wanuna lweyi a tlula a sungula ku famba.+