21 Ku sukela hi nkama wolowo, Yesu a sungula ku tlhamusela vadjondzisiwa va yena swaku a a fanele a ya Yerusalema a ya xanisiwa hintamu hi madoda, vaprista vavakulu ni vatsali, a gama a dlayiwa, kutani a pfuxiwa hi siku la wunharhu.+

17 Nkama Yesu a nga ya Yerusalema, a teke 12 wa vadjondzisiwa va yena a va byela na va li voxe a ku:+ 18 “Phela hi ya Yerusalema, naswona N’wana wa munhu a ta nyikeliwa ka vaprista vavakulu ni le ka vatsali, kutani va ta mu yavanyisela lifu,+ 19 naswona va ta mu nyikela ka vanhu vamatiko leswaku va tlanga hi yena, va mu ba va gama va mu dlaya mhandzini;+ naswona a ta pfuxiwa hi siku la wunharhu.”+

32 Na va li ndleleni ya ku ya Yerusalema, Yesu a rhanga phambheni ka vona, se vadjondzisiwa va hlamala, kambe lava a va mu landzela va sungula ku chava. Se a tlhela a teka lava 12 a ya na vona tlhelweni, a sungula ku va byela leswi nga ta mu humelela a ku:+ 33 “Phela hi ya Yerusalema, naswona N’wana wa munhu a ta nyikeliwa ka vaprista vavakulu ni le ka vatsali, kutani va ta mu yavanyisela lifu naswona va ta mu nyikela ka vanhu vamatiko 34 leswaku va tlanga hi yena, va mu pshitela marhi, va mu ba va tlhela va mu dlaya, kambe a ta pfuxiwa hi siku la wunharhu.”+