Tipisalema
104 Ni ta dzunisa Yehovha.+
Yehovha Xikwembu xanga u mukulu hintamu.+
U yambale ku hlonipheka ni ku dzuneka.+
3 Yena a yaka ndhawu ya yena ya ku tshama ka yona ka mati lawa ma nga henhla ka marhefu,+
4 A yendla swaku tintsumi ta yena ti va ni matimba* yamakulu,
A tlhela a yendla swaku vatirheli va yena va va ndzilu lowu helisaka.+
6 U yi funengete hi mati ya ku yenta ku fana ni nguvu.+
Mati a ma funengete tintshava.
7 Ma balekile nkama u nga ma laya;+
Ma chavile ma tsutsuma nkama ma nga twa guwa la ku dzindza ka wena
8 Tintshava ti khwelile,+ se minkova yi xika
Yi ya ka ndhawu leyi u nga yi yendlela yona.
9 U ma tsemele lomu ma kalaka ma nga fanelanga ma hundza,+
Leswaku ma nga ha tshuki ma funengeta misava.
10 A yendle swihlovo ka minkova;
Mati ya swona ma huma xikarhi ka tintshava.
11 Swiharhi hinkwaswu swi phuza kona mati;
Timbongolo ta khwati ti tima kona torha.
12 Ahenhla ka swona ku tshama swinyanyani;
Swi yimbelela xikarhi ka khwati la ku tlhuma.
13 A regara tintshava na a li ka makwartu ya yena ya le henhla.+
Misava yi tala hi mihandzu ya mintirho ya wena.+
14 A milisela tihomu byanyi
Kasi vanhu a va milisela swinsinyani,+
Leswaku swi humesa swakudla atikweni
15 Ni vhinyu leli tsakisaka mbilu ya munhu,+
Mafurha lama yendlaka swaku nghohe* yi phatima,
16 Minsinya ya Yehovha yi regariwa kahle,
Mikedari leyi a nga yi byala aLebanoni,
17 Lomu swinyanyani swi yakaka kona swisaka.
Ntavila*+ yi tshama henhla ka minsinya ya yunipa.
19 Yena a yendle n’weti leswaku wu hambanisa tinguva;
Dlambu li swi tiva kahle leswaku li fanele li pela nkama muni.+
20 A tisa munyama se ku va wusiku,+
Loko swiharhi hinkwaswu swi sungula ku hambana.
21 Swinghonyamani swa bonga nkama swi hlotaka+
Ni ku lava swakudla swa swona leswi taka hi ka Xikwembu.+
22 Loko dlambu li xa,
Swa tlhela swi ya yetlela ka tindhawu ta swona.
23 Munhu a ya ntirhweni,
A tirha anze nimadlambu.
24 Mintirho ya wena yi tale ndjhani Yehovha Xikwembu xa mina!+
Hinkwayu u yi yendle hi wutlharhi.+
Misava yi tale hi minchumu leyi u nga yi yendla.
25 Lwandle i likulu hintamu li tlhela li yanama,
Li ni minchumu ya yinyingi hintamu leyi hanyaka, yayitsongo ni yayikulu.+
26 Maboti ma famba kolanu,
Ni xiharhi xaxikulu xa lwandle*+ lexi u nga xi yendla leswaku xi ta tlanga ka lona.
27 Hinkwaswu swi tshembe wena
Leswaku swi kuma swakudla hi nguva ya kona.+
28 Swi hlengeleta leswi u swi nyikaka swona.+
Loko u pfula voko la wena, swi kuma swilo swa swinyingi swaswinene.+
29 Loko u swi tshika, swa karhateka.
Loko u susa moya lowu swi wu hefemulaka, swa fa swi tlhelela ka wuthulu.+
30 Loko u rhumela moya wa wena wa ku kwetsima, swa tumbuluxiwa,+
Naswona u yendla leswaku misava yi va ya nyuwani.
31 Ku phatima ka Yehovha ku ta tshama hi masiku ni masiku.
Yehovha a ta tsakela mintirho ya yena.+
32 A txuvuka misava, se yi rhurhumela;
A khumba tintshava, se ti tuvika ximusi.+
33 Ni ta yimbelela ni dzunisa Yehovha+ wutomi la mina hinkwalu;
Ni ta yimbelela tinsimu ni dzunisa Xikwembu xa mina na na ha hanya.+
34 A swi mu tsakise leswi ni swi pimisaka.*
Ni ta tsaka ka Yehovha.
35 Vadjohi va ta nyamalala amisaveni,
Lava ku biha a va nge he vi kona.+
Ni ta dzunisa Yehovha. Dzunisani Yehovha!*