Tipisalema
Lisimu. Pisalema ya vana va Kora.+ Ka mayextru; hi ku ya hi xitayela xa Mahalati,* lisimu leli faneleke li yimbeleliwa hi ku nyiketana. Maxkili* ya Hemani+ lweyi wa ka Ezra.
88 Yehovha, Xikwembu lexi ni ponisaka,+
Na huwelela ka wena ninhlikanhi,
Kasi niwusiku ni ta ka wena.+
4 Se ni kontiwa xikarhi ka lava va yaka sirheni;+
Ni hele matimba,+
5 Ni le xikarhi ka lava nga fa
Ku fana ni lava nga dlayiwa, lava nga yetlela sirheni,
Lava u kalaka u nga ha va khumbuki
Lava u kalaka u nga ha va pfuni.
6 U ni txukumetele ka mugodi wa ku yenta,
Ka ndhawu ya munyama, ka xikhele xaxikulu.
7 Ku kwata ka wena ka ni peza,+
Ni funengetiwe hi magandlati ya wena yamakulu. (Sela)
8 U ni hambanise ni lava ni nga va tolovela;+
U yendle swaku va ni nyenya.
Ni phasekile naswona a ni swi koti ku baleka.
9 Tihlo la mina la vava hi mhaka ya leswi ni hluphekaka.+
Na ku vitana siku hinkwalu Yehovha;+
Ni ku tlakusela mavoko.
10 Indjhe lava nga fa u ta va yendlela mintirho ya ku hlamalisa?
Indjhe lava nga fa va nga pfuka va ku dzunisa?+ (Sela)
11 Indjhe lirhandzu la wena li ta twalisiwa sirheni,
Ni ku tshembeka ka wena ku ta twalisiwa ka ndhawu ya ku helisiwa ka yona?*
12 Indjhe mintirho ya wena ya ku hlamalisa yi ta tiviwa munyameni,
Kumbe ku lulama ka wena ku ta tiviwa ka tiko la lava kalaka va nga khumbuki nchumu?+
13 Kambe na ha ku rilela leswaku u ni pfuna Yehovha,+
Ni khongela ka wena mixo wun’wani ni wun’wani.+
14 Hi mhaka muni u ni tshika, Yehovha Xikwembu xanga?+
Hi mhaka muni u ni tumbetela nghohe* ya wena?+
15 Ni le ku hluphekeni ku sukela na na ha li djaha,
Funtshi ni kusuhi ni ku fa;+
Ni hele matimba hi mhaka ya mahlomulu lawa u nga ni tshika ni kumana na wona.
16 Ku kwata ka wena ku ni heta matimba;+
Ku chavisa ka wena ka ni helisa.
17 Ku ni rhendzela siku hinkwalu ku fana ni mati;
Ku ni pfalele matlhelo hinkwawu.
18 U ni hambanise ni vanghanu va mina;+
Munyama wu txintxe wu va munghanu wa mina.