Nhlawutelo ya Yohani
19 Ni game ni twa swa ku fana ni ku huwelela ka xitshungu xaxikulu atilweni, xi ku: “Dzunisani Yehovha!*+ Xikwembu xa hina xi ponisa vanhu, xi ni matimba naswona xa kwetsima, 2 hikusa xi yavanyisa hi ntiyiso ni hi ku lulama.+ Xi khatise nghwavani yayikulu leyi nga wonha misava hi wunghavani* la yona naswona xi hakelise ngati ya vatirheli va xona leyi nga ka mavoko ya nghwavani.”+ 3 Xi tlhela xi ku: “Dzunisani Yehovha!*+ Kutani ximusi xa ku psha ka nghwavani xi tuvika hi masiku ni masiku.”+
4 Kutani 24 wa madoda+ ni 4 wa makerubu,+ va khizama va gandzela Xikwembu lexi nga tshama ka xitshamu xa wuhosi, va ku: “Amen! Dzunisani Yehovha!”*+
5 Ni tlhele ni twa rito na li huma hi ka xitshamu xa wuhosi li ku: “Dzunisani Xikwembu xa hina, n’wina vatirheli va xona,+ n’wina lava mi xi chavaka, vavatsongo ni vavakulu.”+
6 Se ni twa nchumu xa ku fana ni rito la xitshungu xaxikulu, xa ku fana ni guwa la mati ya manyingi, ni xa ku fana ni guwa la ku dzindza kakukulu ka tilo xi ku: “Dzunisani Yehovha,*+ hikusa Yehovha* Xikwembu xa hina lexi nga ni Matimba Hinkwawu+ se i hosi!+ 7 A hi tsakeni, hi tsaka hintamu, hi mu dzunisa, hikusa muchadu wa Xinyempfani se wu fikile naswona nsati wa xona se a tisasekisile. 8 Phela a nyikiwe mpahla ya xiyimu xa le henhla ya ku phatima yi tlhela yi basa swaku a yi yambala, hikusa mpahla leyi yi fanekisela mintirho yayinene ya vakwetsimi.”+
9 Ntsumi yi ni byele yi ku: “Tsala leswi: Va tsaka lava nga rhambiwa ku ta dla ka fexta la muchadu wa Xinyempfani.”+ Yi tlhele yi ku: “Lawa i marito ya ntiyiso lama taka hi ka Xikwembu.” 10 Se ni khizama phambheni ka minenge ya yona leswaku ni yi gandzela. Kambe yi ni byela yi ku: “U yendla yini? U nga yendli leswo!+ Mina no va xikarawa ku fana na wena ni vamakwenu lava nga ni ntirho wa ku nyikela wumboni hi ta Yesu.+ Gandzela Xikwembu!+ Hikusa wuprofeta li tirhela ku vula ntiyiso hi ta Yesu.”+
11 Ni vone matilo na ma pfuleka, kutani ku humelela kavhalu la ku basa.+ Lweyi a a li henhla ka lona a vitaniwa wa Ku Tshembeka+ ni wa Ntiyiso+ naswona a yavanyisa ni ku lwa hi ku lulama.+ 12 Matihlo ya yena ma fana ni ndzilu lowu pfurhaka+ naswona a yambale tiharhi* ta tinyingi ka nhloko. A tsaliwe vito leli kalaka li nga tiviwi hi munhu kambe li tiviwaka hi yena ntsena, 13 a yambale mpahla leyi nga cheliwa* hi ngati naswona a vitaniwa Rito+ la Xikwembu. 14 A a landzeleliwa hi masonchwa ya le tilweni lawa a ma li henhla ka makavhalu ya ku basa naswona a ma yambale mpahla ya xiyimu xa le henhla ya ku basa yi ku baa! 15 Ka nomo wa yena, a ku huma xipada xa ku leha xa ku lotiwa kahle,+ leswaku a helisa matiko hi xona, naswona a ta risa matiko hi nhonga ya nsimbi.+ A psanyetela mawuvha lama nga ka xikamelo* xa ku kwata ka Xikwembu xa Matimba Hinkwawu.+ 16 Ka mpahla ya yena, ka nenge,* a ku tsaliwe vito leli nge: Hosi ya tihosi ni Mufumi wa vafumi.+
17 Ni tlhele ni vona ntsumi na yi nyime ka dlambu, yi huwelela yi byela swinyanyani hinkwaswu leswi hahaka mpfhukeni yi ku: “Tanani halenu, hlengeletanani mi ta ka fexta lalikulu la Xikwembu,+ 18 leswaku mi ta dla nyama ya tihosi, ya varhangeli va masonchwa, ya vavanuna lava nga ni matimba,+ ya makavhalu, ya lava a va li henhla ka makavhalu,+ nyama ya vanhu hinkwavu, lava nga chunseka, swikarawa, vavatsongo ni vavakulu.”
19 Se ni vona xiharhi xa ku chavisa hintamu,* tihosi ta misava ni masonchwa ya tona na va hlengeletanile leswaku va lwa ni lweyi a nga henhla ka kavhalu xikan’we ni masonchwa ya yena.+ 20 Kutani xiharhi xa ku chavisa hintamu* xi khomiwa ni muprofeta wa mavunhwa+ lweyi a a yendla masingita phambheni ka xona, masingita lawa a nga ma tirhisa swaku a hambukisa vanhu lava nga yamukela marka wa xiharhi xa ku chavisa hintamu*+ ni lava gandzelaka xifaniso xa xona.+ Hawumbirhi ka vona va txukumetiwa na va hanya ka ndhawu* leyi pfurhaka ndzilu wawukulu swinene.+ 21 Kambe lavan’wani hinkwavu va dlayiwe hi xipada xa ku leha xa lweyi a nga henhla ka kavhalu,+ lexi a xi huma hi ka nomo wa yena. Swinyanyani hinkwaswu swi dle nyama ya vona swi xurha.+