Vayavanyisi

16 Siku lin’wani Samsoni a ya Gaza, a fika a vona nghwavani, se a nghena kaya ka yona. 2 Se vanhu va Gaza va byeliwa leswi: “Samsoni a kola.” Se va rhendzela doropa, va tlhela va mu tumbelela wusiku hinkwalu ka xipfalu xa doropa. Va miyela va ku ntsee wusiku hinkwalu, na va tibyela va ku: “Loko li xa hi ta mu dlaya.”

3 Kambe Samsoni a yetlela kolanu anze ma zero wora, se a pfuka hi nkama wolowo wa ma zero wora a khoma swipfalu swa doropa ni timhandzi timbirhi leti a ti li matlhelweni ka swona a swi tsuvula na swi ni swa ku khiya hi swona a gama a swi rhwala hi makatla a famba na swona ka ntshava leyi a yi txuvukane ni Hebroni.

4 Hi ku famba ka nkama a game a rhandzana ni ntombhi leyi a yi tshama ka Nkova wa Soreki; vito la yona a ku li Dalila.+ 5 Se tihosi ta Vafilista ti ya ka Dalila ti fika ti ku: “Mu xengeteli+ a ku byela swaku matimba yamakulu lawa a nga na wona a ma kuma kwini, ni swaku hi nga mu bohisa ku yini swaku hi mu hlula; mun’wani ni mun’wani wa hina a ta ku nyika 1.100 wa swikhemu swa prata.”

6 Se Dalila a gama a byela Samsoni a ku: “Ni kombela u ni byela swaku u ma kuma kwini matimba yamakulu lawa u nga na wona, ni leswaku u nga bohiwa hi yini swaku u hluliwa.” 7 Samsoni a mu hlamula a ku: “Loko vo ni boha hi 7 wa magoda* ya ku ma ha ku lukiwa naswona ma ha tsakama, ni nga hela ntamu ni fana ni vanhu van’wani.” 8 Se tihosi ta Vafilista ti mu tisela 7 wa magoda ya ku ma ha ku lukiwa naswona a ma tsakama, se a mu boha hi wona. 9 Ti tlhela ti rhuma vavanuna van’wani swaku va ya tumbela ka kwartu lin’wani la Dalila. Se Dalila a vitana Samsoni a ku: “Samsoni pfuka, wa dlawa hi Vafilista!” Samsoni a tsema magoda lawa a va mu bohe hi wona ku fana ni leswi ngoti yi tsemekisaka swona loko yi hundza hi ka ndzilu.+ A va zanga va swi tsumbula swaku a matimba ya yena a ma ta hi kwini.

10 Dalila a byela Samsoni a ku: “Wo tlanga hi mina, u ni hembela. Se swoswi na kombela, ni byeli swaku u nga bohiwa hi yini.” 11 Se a mu hlamula a ku: “Loko vo ni boha hi magoda ya nyuwani ya ku a ma se tshama ma tirhisiwa, ni ta hela matimba ni fana ni vanhu van’wani.” 12 Se Dalila a teka magoda ya nyuwani a mu boha hi wona a gama a huwelela a ku: “Samsoni pfuka, wa dlawa hi Vafilista!” (Vavanuna lava a va mu tumbelelile a va li ka kwartu leli a li li xikarhi.) Se a tsema magoda lawa a ma li ka mavoko ya yena ingi hi loko o tsema swingotani.+

13 Dalila a gama a byela Samsoni a ku: “Wa ha tlanga hi mina u tlhela u ni hembela?+ Ni byeli swaku u nga bohiwa hi yini.” Yena a gama a ku: “Luka 7 wa swidjumba swa misisi leswi nga ka nhloko ya mina hi tingoti ta ku luka hi tona.” 14 Se a yi luka a gama a yi tiyisa hi mhandzi, a gama a huwelela a ku: “Samsoni, wa dlawa hi Vafilista!” Samsoni a pfuka a tlomula mhandzi a tlhela a susa ni ngoti ya ku luka hi yona leyi a yi li ka nhloko ya yena.

15 Se Dalila a mu byela a ku: “Hi mhaka muni u ku wa ni rhandza+ kuve mbilu ya wena a yi le ka mina? Se u tlange hi mina kanharhu; impela a wu lavi ku ni byela swaku matimba ya wena yamakulu ma ta hi kwini?”+ 16 Leswi a a tshamela ku mu tinga tindleve a tlhela a mu sindzisa, Samsoni a game a karhala, a nga ha gwenti ku tiyisela.+ 17 Hi wugamu a mu byele ntiyiso a ku: “A ni se tshama ni tsemetiwa misisi, hikusa ni Munaziri* wa Xikwembu ku sukela ni nga psaliwa.+ Loko no tsemetiwa misisi matimba ya mina ma ta hela ni fana ni vanhu lavan’wani.”

18 Nkama Dalila a nga vona swaku Samsoni a mu byele ntiyiso hinkwawu, a yo vhela a vitana tihosi ta Vafilista,+ a ku: “Tanani, hikusa swoswi a ni byele ntiyiso hinkwawu.” Se tihosi ta Vafilista ti teka male ti famba na yona ka yena. 19 Dalila a yetlelisa Samsoni ka matsolo ya yena a biwa hi wurhongo. A vitana munhu swaku a ta mu tsemeta 7 wa swidjumba swa misisi leswi a swi li ka nhloko ya yena. Se a sungula ku tlanga hi yena hikusa a a ya a hela ntamu. 20 Dalila a huwelela a ku: “Samsoni, wa dlawa hi Vafilista!” A gama a pfuka wurhongweni, a tibyela a ku: “Ni ta huma ni ya tilwela ku fana ni masiku.”+ Kambe a a nga swi tivi swaku Yehovha a a nga ha li na yena. 21 Vafilista va mu khoma va mu boxa matihlo. Va gama va mu yisa Gaza, na va mu bohile hi machini mambirhi ya kobre naswona a a sila tindzoho adjele. 22 Hi ku famba ka nkama misisi ya yena leyi nga tsemetiwa yi game yi tlhela yi sungula ku kula.+

23 Se tihosi ta Vafilista ti hlengeletana swaku ti yendlela xikwembu xa tona Dagoni+ gandzelo lalikulu ti tlhela ti tsaka, hikusa a ti ku: “Xikwembu xa hina xi nyikele nala wa hina Samsoni ka mavoko ya hina!” 24 Nkama vanhu va nga mu vona, va dzunisa xikwembu xa vona, va ku: “Xikwembu xa hina xi nyikele nala wa hina ka mavoko ya hina; phela a wonhetele tiko+ la ka hina a tlhela a dlaya vanhu va vanyingi va ka hina.”+

25 Leswi vanhu a va tsake hintamu va te: “Vitanani Samsoni swaku hi ta tlanga hi yena.” Va humesa Samsoni djele va tlanga hi yena, va mu nyimisa xikarhi ka mapilari. 26 Se Samsoni a byela mufana lweyi a a mu khome hi voko a ku: “Ni kombela u ni nyimisa kusuhi ni mapilari lawa ma nga tiyisa tempele leyi, swaku ni ta khigetela ka wona.” 27 (Tempele a yi talile hi vavanuna ni vavasati. Tihosi hinkwatu ta Vafilista a ti li kona, naswona ahenhla ka tempele* a ku ni kolomuyani ka 3.000 wa vavanuna ni vavasati lava a va li ku sixtireni nkama a ku tlangiwa hi Samsoni.)

28 Se Samsoni+ a huwelela ka Yehovha a ku: “Yehovha Hosi Leyikulu, ni kombela u ni khumbuka, u ni tiyisa+ kan’we ntsena, Xikwembu xa mina, ni tshiki ni hakelisa Vafilista lava, hambi no va hakelisa tihlo lin’we ntsena.”+

29 Se Samsoni a khoma mapilari mambirhi ya le xikarhi lawa a ma tiyisa tempele. A khoma lelin’wani hi voko la xinene, lelin’wanyani a li khoma hi voko la ximatsi. 30 Samsoni a huwelela a ku: “A ni fe ni Vafilista.” Kutani a susumeta mapilari hi matimba ya yena hinkwawu, se tempele yi wela tihosi ni vanhu hinkwavu lava a va li ndzeni ka yona.+ Phela lava a nga va dlaya hi siku leli a nga fa hi lona, a va li vanyingi hintamu ku tlula lava a nga va dlaya ka wutomi la yena hinkwalu.+

31 Vamakwavu va yena ni ndjangu hinkwawu wa papayi wa yena va game va ta va ta teka ntsumbu wa yena. Se va famba na wona va ya wu lahla ka sirha la papayi wa yena Manowa,+ axikarhi ka doropa la Zora+ ni Exitayoli. Samsoni a yavanyise Vayisrayele 20 wa malembe.+