Tipisalema
Pisalema ya Davhida.
29 Hloniphani Yehovha n’wina vana va tinhenha,
Hloniphani Yehovha hi mhaka ya ku phatima ni matimba ya yena.+
2 Dzunisani Yehovha hi mhaka ya vito la yena la ku phatima.
Khizamelani* Yehovha na mi yambale mpahla ya n’wina ya ku kwetsima.*
3 Rito la Yehovha li twala henhla ka mati;
Xikwembu lexi phatimaka xa dzindza.+
Yehovha a le henhla ka mati ya manyingi.+
4 Rito la Yehovha li ni matimba;+
Rito la Yehovha la phatima.
5 Rito la Yehovha li tshova minsinya ya mikedari;
Ina, Yehovha a tshovelela mikedari ya Lebanoni.+
6 A yendla tintshava ta Lebanoni ti tlula ku fana ni xihon’wani,
Ni Siriyoni+ ku fana ni xihon’wani xa khwati.
7 Rito la Yehovha li humesa ndzilu;*+
8 Rito la Yehovha li tsekatsekisa mananga;+
Yehovha a yendla mananga ya Kadexi+ ma tsekatseka.
9 Rito la Yehovha li yendla swaku mhunti yi rhurhumela yi gama yi sungula ku psala,
Li yendla swaku minsinya ya le nhoveni yi sala yi nga ha na matluka.+
Hinkwavu atempeleni ya yena va li: “Ku phatima i ka Xikwembu!”
10 Xitshamu xa wuhosi xa Yehovha xi le henhla ka mati ya manyingi;*+
Yehovha i Hosi hi masiku ni masiku.+
11 Yehovha a ta nyika vanhu va yena matimba.+
Yehovha a ta katekisa vanhu va yena hi ku va nyika ku rhula.+