Yobo
28 “Ku ni lani prata li txeliwaka kona
Ni lani woru li basisiwaka kona;+
2 A nsimbi yi txeliwa ka misava,
Ni kobre li humesiwa ka maribye.+
4 A txela mugodi a kule ni lani vanhu va tshamaka kona,
Ka tindhawu leti nga khohlwiwa, a kule ni lani vanhu va fambaka kona;
Vavanuna van’wani va nghena mugodini hi magoda.
5 Swakudla swi mila henhla ka misava;
Kambe a hansi ka yona, ya txintxiwa ingaku hi loko yi li ni ndzilu.*
6 Axikarhi ka maribye lama nga kolanu ku ni maribye ya safira,
Misava ya kona yi ni woru.
7 A ku na xinyanyani lexi dlaka nyama lexi tivaka ndlela ya ku ya kolanu;
Ni xinyanyani lexi vitaniwaka xikhozani* xa ntima, a xi se tshama xi yi vona.
8 Swiharhi swaswikulu a swi se tshama swi psanya ka yona;
Xinghonyamani a xi se tshama xi fambafamba ka yona.
9 A munhu a pandza maribye ya ku tiya;
A tsuvula tintshava ku sukela ahansi ka tona.
10 A txela misele ya mati+ ka ribye;
Matihlo ya yena ma vona swilo hinkwaswu swa lisima.
11 A txela swikhele ka minkova,
A humesa leswi nga fihliwa.
13 A munhu a nga li twisisi lisima la lona,+
Naswona a li kumeki ka tiko la lava hanyaka.
14 Mati ya ku yenta ma li: ‘A ni na lona!’
Ni lwandle li li: ‘A ni na lona!’+
15 A li nge xaviwi hi woru la ku tenga;
Ni prata a li nge pimiwi leswaku li li xava.+
16 A li nge xaviwi hi woru la le Ofiri,+
Kumbe hi ribye la onikisi leli kalaka, ni ribye la safira.
17 A woru ni vhidru a swi nge fanisiwi na lona;
A wu nge li xavi hi xibya xa ku yendliwa hi woru lalinene.*+
18 A tikorali* ni maribye ya krixtalina* a hi swa nchumu,+
Hikusa nkwama lowu nga tala hi wutlharhi wu durha hintamu ku tlula lowu nga tala hi maperola.
19 Ribye la topazi+ la le Kuxi a li nge fananisiwi na lona;
A li nge xaviwi hambi ku li hi woru la ku tenga.
20 Kambe, a wutlharhi li ta hi kwini,
Naswona xi kwini xihlovo xa ku twisisa?+
21 Li fihleliwe hinkwaswu leswi hanyaka,+
Li fihleliwe ni swinyanyani.
22 Ndhawu leyi ku helisiwaka ka yona ni lifu swi te:
‘Hi yo twa ntsena leswi va nga swi hlaya hi lona.’
23 Xikwembu xa yi twisisa ndlela ya ku li kuma;
Hi xona ntsena xi tivaka lomu li tshamaka kona,+
24 Hikusa xi txuvuka magamu ka misava,
Xi vona hinkwaswu leswi nga hansi ka matilo.+
25 Nkama xi nga pima matimba* ya moya,+
Xi pima ni mati,+
26 Nkama xi nga vekela mpfula nawu,+
Ni ku yendla ndlela ya xidzedze, marhefu ya kona ni ku dzindza ka tilo,+
27 Hi kona xi nga vona wutlharhi kutani xi li tlhamusela;
Xi li sungulile xi tlhela xi li kambela.
28 Kutani xi byela munhu xi ku: